Oral qalasy boiynşa avtomobil joldarynyŋ jalpy ūzyndyǧy 690,3 şaqyrym bolsa, onyŋ ışınde jaqsy jäne qanaǧattanarlyq jaǧdaidaǧy joldardyŋ ūzyndyǧy – 439,6, topyraq jabyndy joldardyŋ ūzyndyǧy 250,7 şaqyrymdy qūraidy. Avtomobil joldarynyŋ sapasyn jaqsartu maqsatynda aǧymdaǧy jyly jalpy ūzyndyǧy 107,6 şaqyrym bolatyn jol jöndeu josparlanǧan. Būl turaly Oral qalasy äkımınıŋ orynbasary Jandos Düisenǧaliev mälımdedı.
Jandos Ashatūlynyŋ aituynşa, kürdelı jöndeu – 9,05, qaita qalpyna keltıru – 4,3, ortaşa jöndeu – 66,4, ANT ädısımen aǧymdaǧy jöndeu – 27,8 şaqyrymdy qūraidy. Atalǧan barlyq jobalardy jüzege asyru üşın qajettı qarajat – 8,6 mlrd teŋge. Būdan bölek 2023 jyly bastalyp,ötpelı kezeŋmen josparlanǧan 8 joba boiynşa jol jöndeu jūmysy biyl aiaqtalady dep kütılude.
– Säuır aiynyŋ soŋynan bastap köşe joldaryn aǧymdaǧy jäne ortaşa jöndeu bastaldy. Qyzyljar jäne Nekrasov, Lermontov köşelerın ortaşa jöndeu tolyq aiaqtaldy, qazır tiıstı jūmystar Nazarbaev daŋǧylynda jäne Alaş köşesınde jürgızılude. Ortaşa jöndeumen negızgı ärı kölık qozǧalysy qarqyndy köşeler qamtylady. Aǧymdaǧy jöndeu boiynşa 50-den astam köşe josparlansa, qazırgı uaqytta 20 köşe jöndeuden öttı. Biyl köpırlerdegı deformasiialyq tıgısterdı qalypqa keltıru, temır jol ötkelderın jöndeu jürgızılude, – deidı Jandos Ashatūly.
Biyl qalanyŋ jol qozǧalysyn retteitın tehnikalyq qūrylǧylardy ornatu jäne jöndeu boiynşa bırqatar jūmys josparlanǧan. Atap aitsaq, 10 orynǧa «jaiau jürgınşıler ötkelı» kompo-belgısı, 20 jasandy jol, 7 jaiau jürgınşılerge arnalǧan şaqyru tüimesı bar baǧdarşam, 4 köşe qiylysyna baǧdarşam, 5 orynǧa proeksiialyq jaiau jürgınşıler ötkelınornatu közdelgen. Qala boiynşa biyl 132 köşegejol taŋbalau josparlanǧan.
– Qalamyzda su tasqynyna orai tötenşe jaǧdai jariialandy. Qazır su tasqynynyŋ saldaryn joiu jūmysy jürgızılude. Sondyqtan jol jöndeuge qatysty keibır jobalar jüzege aspauy mümkın. Alaida bız mümkındıgınşe jol jöndeudı josparǧa sai atqaruǧa tyrysamyz, – dedı qala basşysynyŋ orynbasary.
Aita ketu kerek, biyl qala aumaǧynda köşe joldaryn ortaşa jöndeuge qatysty 21 jobany jüzege asyru közdelgen. Qazır merdıger «Adal arna» JŞS Nazarbaev daŋǧylyn Abai daŋǧylynan Eskı şırkeuge deiın ortaşa jöndeuge kırısken. Josparǧa säikes, atalǧan daŋǧyldyŋ 4,5 şaqyrymy jöndelmek. Būdan bölek, «DSK Prioritet» JŞS Alaş köşesı men Abdolov köşesınde de tiıstı jūmys jürgızude.
