Bügın - Qazaqstanda mädeniet jäne öner qyzmetkerlerı künı, dep habarlaidy "Adyrna" ūlttyq portaly.
Būl kün tuǧan jerımızdıŋ ruhani damuyna jäne bai mädeni mūramyzdy därıpteuge zor üles qosyp jürgen jandardy bırıktırgen, şyǧarmaşylyq adamdaryna degen airyqşa qūrmettıŋ belgısı, ärbır mädeniet qyzmetkerlerınıŋ töl merekesı bolyp sanalady.
QR Mädeniet jäne aqparat ministrı Aida Balaeva mädeniet jäne öner qyzmetkerlerın merekemen qūttyqtady.
" Sızderdı mädeniet jäne öner qyzmetkerlerı künımen şyn jürekten qūttyqtaimyn! Būl kün – adamzatty ızgılıkke baulyp, meiırımge ündeitın, sūlulyqqa qūştar, jarastyqqa toly älemge senetın, bolaşaq üşın jasampazdyqqa bastaityn ardaqty käsıp ielerınıŋ merekesı.
Bügınde bızdıŋ elımızde 8 myŋǧa juyq mädeniet oşaǧy bar, onda 64 000-nan astam qyzmetker jūmys ısteidı. Onyŋ ışınde teatr, muzei, kıtaphana, konserttık ūiymdar, öner galereialary men basqa da köptegen mekemelerdı erekşe atap ötuge bolady. Sızderdıŋ qajyrly qyzmetterıŋız arqyly Qazaqstannyŋ bai mädeni mūrasy saqtalyp, örkendep-damyp keledı.
Sızderdıŋ eŋbekterıŋız memlekettık deŋgeide joǧary baǧalandy: 2023 jyly mädeniet qyzmetkerlerınıŋ jalaqysy 2021 jylmen salystyrǧanda 45% östı. 30 jylda alǧaş ret «Halyq ärtısı» qūrmettı ataǧy taǧaiyndalyp, ataq segız körnektı mädeniet qairatkerıne berıldı. Sonymen qatar «Mädenietaralyq jäne etnosaralyq bırlıktı nyǧaitu baǧytynda mädeniet pen öner salasyndaǧy üzdık jūmystar men tuyndylar üşın» syilyǧy taǧaiyndaldy.
2023 jyly memlekettık qoldaumen tüsırılgen 18 filmnıŋ öndırısı aiaqtalyp, 19 jaŋa kinojoba jasaldy", - delıngen ministr qūttyqtauynda.
Odan bölek, Aida Balaeva qūttyqtau habarlamasynda elımızdıŋ mädeni mūrasyn nasihattauǧa üles qosyp jürgenderge alǧysyn bıldırdı.
«Qazaqanimasiia» şyǧarmaşylyq bırlestıgı aiasynda 12 qazaqstandyq student pen maman Ankara, Ystanbūl jäne Krakovtaǧy animasiia studiialarynda oqydy.
Ötken jyly Q.Quanyşbaev atyndaǧy akademiialyq qazaq muzykalyq-drama teatryna jäne «Äzıret Sūltan» tarihi-mädeni muzei-qoryǧyna «Ūlttyq» märtebesı berıldı.
Elımızdıŋ mädeni mūrasyn şetelde nasihattauǧa qosqan baǧa jetpes ülesıŋız üşın erekşe alǧysymdy bıldıremın.
Sızderdıŋ eŋbegıŋız ben şyǧarmaşylyqtaryŋyz bızdıŋ mädenietımızdı baiytyp qana qoimai, älemge qazaqstandyq dästürlerdıŋ, öner men tarihtyŋ bailyǧyn paş etedı
Sızder arqyly Qazaqstandy şet elder bıregei mädeni mūrasy bar memleket retınde tanidy. Mädeniet qyzmetkerlerı körme, konsert, teatr qoiylymdaryn ötkızıp, halyqaralyq festivaldar men baiqaularǧa qatysady, osylaişa älemdık arenada bızdıŋ mädenietımızdı tanystyrady. Özderıŋızdı öner men şyǧarmaşylyq arqyly elder arasyndaǧy dostyq pen yntymaqtastyqty jalǧap otyrǧan altyn köpır ärı naǧyz mädeniet elşılerı dep bılemız.
Sızderge jankeştı jūmystaryŋyz ben öz ısterıŋızge degen adaldyqtaryŋyz üşın jäne halyqaralyq arenada Qazaqstannyŋ imidjın nyǧaituǧa qosqan zor ülesterıŋız üşın alǧys aitamyn. Sızder arqalaǧan mındet – asqar taudai biık, sızder aŋsaǧan mūrat – mäŋgılık. Sızder atqarǧan qyzmet – elımız üşın asa maŋyzdy.
Barşaŋyzǧa zor densaulyq, şyǧarmaşylyq tabys, küş-quat jäne jarqyn jetıstıkter tıleimın!" - dep qorytyndylady Mädeniet jäne aqparat ministrı.
Ūqsas jaŋalyqtar
