Kämeletke tolmaǧan qyzdy zorlaǧan er adamǧa qatysty ükım şyqty, dep habarlaidy "Adyrna" ūlttyq portaly.
Pavlodar oblysynyŋ qylmystyq ıster jönındegı mamandandyrylǧan audanaralyq sotynda 51 jastaǧy er adamnyŋ ısı qaraldy.
Ol 2023 jyldyŋ şılde aiynda kämeletke tolmaǧan qyz balany zorlaǧan. Tergeu mälımetınşe, kämeletke tolmaǧan qyz Pavlodardaǧy dämhanalardyŋ bırınde täjıribeden ötken. Sol sätte dämhanada aspaz bolyp jūmys ısteitın er adammen tanysqan.
Er adam men qyzben äleumettık jelı arqyly söilesıp, artynşa qyzǧa bırge tūruǧa ūsynys jasaǧan. Qyz eresek adammen bırge tūru ūsynysyn qabyldapty. Ekeuı dastarhan jaiyp, ışımdık ışken. Artynşa jäbırlenuşı ūiyqtamaq bolǧanda, er adam ony zorlaǧan.
Qyzdyŋ zorlanǧanyn Qylmystyq ıster jönındegı mamandandyrylǧan audanaralyq sotynyŋ sudiasy rastady.
"Jäbırlenuşınıŋ zorlanǧanyn dostary aityp, kömek sūraǧanyn, ūialy telefonyndaǧy habarlamalaryn köretken. Sottaluşynyŋ kınäsı jäbırlenuşınıŋ, kuälardyŋ aiǧaqtarymen, sot saraptamasynyŋ qorytyndylarymen jäne sotta zerttelgen basqa da däleldermen däleldendı", – dep atap öttı Qylmystyq ıster jönındegı mamandandyrylǧan audanaralyq sotynyŋ sudiasy Qūdabai Sūltanov.
Alaida sot barysynda 51 jastaǧy er adam öz kınäsın moiyndamady. Sottaluşynyŋ aituynşa, ol qyzdyŋ kämeletke tolmaǧanyn bılmegen.
51 jastaǧy er adam Qylmystyq kodekstıŋ 120-babynyŋ 3-1-bölıgınde közdelgen qylmysty jasaǧany üşın aiypty dep tanylyp, 15 jylǧa bas bostandyǧynan aiyru jazasy taǧaiyndaldy.
Ūqsas jaŋalyqtar
