Mädeniet pen öner qyzmetkerlerınıŋ mındetı el üşınde asa maŋyzdy. Olar eldıŋ tarihyn, mädenieın damytuǧa ülken üles qosuda, dep habarlaimyz "Adyrna" ūlttyq portaly.
Mädeniet qyzmetkerlerınsız damuǧa, äleuettı ruhani baiytu mümkın emes. Būl turaly ministr Aida Balaeva QazAqparat tılşısıne bergen sūhbatynda baiandady.
"Mädeniet pen öner eŋ maŋyzdy tärbielık missiiany atqarady. Olarsyz adam tūtas, damyǧan, ruhani bola almaidy. Mädeniet pen önerdı merekeleu mädeni mūrany saqtaudyŋ, patriotizmdı tärbieleudıŋ jäne qoǧamymyzdyŋ jalpy mädeni damuynyŋ maŋyzdylyǧyn atap ötedı.
Mädeniet salasyn damytudaǧy Memleket basşysynyŋ rölın erekşe atap ötkım keledı.
Onyŋ tapsyrmasy boiynşa mädeniettı damytuǧa, ony nasihattauǧa jäne ūlttyq mūrany saqtauǧa qolaily jaǧdai jasaluda, şyǧarmaşylyq ūjymdar mädenietımız ben önerımızdı jaqyn jäne alys şet elderde tanystyruda, jaŋa nysandar salynyp, materialdyq-tehnikalyq bazasy jasaqtaluda. Al būl Memleket basşysynyŋ qoldauymen atqarylǧan jūmystyŋ bır parasy ǧana", - dedı Aida Balaeva sūhbat barysynda.
Öz kezegınde Mädeniet jäne aqparat ministrı şyǧarmaşylyqtaǧy ökılderdıŋ Ädılettı Qazaqstandy qūruǧa baǧyttalǧan prezidenttık reformalardy qoldap, jüzege asyruǧa atsalysyp jatqanyn mälımdedı. Ol mädeniettı damyuda janqiiarlyqpen jūmys ısteitın adamdardy naǧyz patriottar dep atap öttı.
"Memleket basşysynyŋ aldymyzǧa qoiǧan maŋyzdy mındetterınıŋ bırı – mädeniet saiasatyn jetıldıruge bailanysty.
2023 jyly Qazaqstan Respublikasynyŋ 2029 jylǧa deiıngı kezeŋge arnalǧan mädeniet saiasatynyŋ tūjyrymdamasy bekıtıldı. Qūjat mädeni saiasatty damytudyŋ negızgı qaǧidattary men täsılderın, sondai-aq nysanaly indikatorlar men kütıletın nätijelerdı aiqyndaidy.
Ärtürlı baǧyttar boiynşa jüielı jūmys jürgızılude: infraqūrylymdy damytu, şyǧarmaşylyq bastamalardy qoldau, kadrlardy daiarlau jäne qazaqstandyq mädeniettı şetelde nasihattau.
Ärine, qiynşylyqtar bar, bıraq būl rette jüielı jūmystar jürgızılude, tüitkıldı mäselelerdı qalai şeşuge, ärı qarai jüruge naqty közqaras bar.
Aitpaqşy, äleumettanulyq zertteuler halyqtyŋ osy saladaǧy qyzmet körsetu sapasyna qanaǧattanuşylyq deŋgeiı 74 paiyzdy qūraǧanyn körsettı. Būl mädeni saiasatty jetıldıru boiynşa qolǧa alynǧan şaralar qazırdıŋ özınde öz jemısın berıp jatqanyn, bıraq Qazaqstannyŋ mädenietı men önerın odan ärı damytu üşın älı de köp jūmys kütıp tūrǧanyn aŋǧartady.
Mädeniet qairatkerlerı spektakl üşın milliondaǧan teŋge alady degenge köp adamdar senedı. Ärine, bar, bıraq olar az. Būl ülken jūldyzdar, kommersiialyq tūrǧydan tabysty.
Degenmen, ortaşa jalaqyǧa öz şyǧarmaşylyǧymen bölısuge daiyn adamdar odan da köp.
Olar jūmys jaǧdaiyna şaǧymdanbaidy jäne özderınıŋ önerıne adal bolyp qalady. Olardyŋ öz ısterıne berılgendıgı men süiıspenşılıgı baǧa jetpes.
Būl adamdar maŋyzdy missiiany oryndaidy - olar qarapaiym halyqqa quanyş pen ruhani qoldau äkeledı. Būl ärtürlı daǧdarystar kezınde öte maŋyzdy. Būǧan taiauda elımızdıŋ batysynda bolǧan su tasqyny kezınde tūtas şyǧarmaşylyq ūjymdar, jeke tūlǧalar öz bastamalarymen konsert qoiyp, odan tüsken qarjynyŋ barlyǧy zardap şekkenderge jöneltılıp, bır kündık jalaqylaryn jinap, öz erkımen kömek körsetkende köz jetkızdık", - dep atap öttı ministr.
Ūqsas jaŋalyqtar
