Qalamyzda F. Dostoevskııdiń ádebı-memorıaldyq murajaıy qyzmetkerleri jáne tatar óner mektebi túlekteriniń uıymdastyrýymen «Dombyra kúnine» oraı arnaıy akııa ótkizildi. Shara barysynda ónerpazdar Qurmanǵazynyń kúılerin oryndap, qoǵamdyq kóliktegi joldaýshylardyń qulaq quryshyn qandyrdy. Maqsaty – halyq arasynda qazaq kúılerin nasıhatap, ulttyq murany jandardyrý. Akııa aıasynda uıymdastyrýshylar joldaýshylarǵa XVIII –HH ǵasyrdaǵy kúıshiler týraly vıktorınalyq suraqtar qoıyp, jeńimpazdarǵa otbasylarymen murajaıǵa kirý tegin bıletterin tabystady.
- Elbasy Nursultan Ábishuly Nazarbaev dombyra- qazaqtyń jany. Óıtkeni ol halyqtyń qýanyshy men muńyn bildiretin qasıetti aspap degen edi. Búginde dombyrany halyq arasynda nasıhattap, urpaqtan urpaqqa jetkizý maqsatynda atalmysh akııany uıymdastyryp otyrmyz. Tarıhqa kóz júgirtsek, Shoqan Ýálıhanov pen Fedor Dostoevskıı arasynda qazaq ónerine degen ortaq janashyrlyq bolǵan. Sol ýaqytta qazaqtar týraly málimetter az bolǵandyqtan, Fedor Mıhaılovıch Shoqan Ýálıhanovqa qazaqtyń keń-baıtaq jeri men eli týraly tolyqtyryp jazýyn ótingen edi. Sondaı-aq, Shoqanmen birge qazaq aýyldaryn aralap, salt-dástúrlerimen tanysyp, dombyra aspabyna erekshe baǵa bergen, - dedi kópshilik bólimniń meńgerýshisi Saltanat Nurlybekqyzy.
Akııaǵa belsene qatysqan jolaýshylar arasynan dombyrany qoldaryna alyp, kópshilikke kúı oryndap bergen jandar da tabyldy.
- Búgin mine, Semeı óner ordasynyń ortalyǵynda "Dombyra kúni" akııasy toılanýda. Qoǵamdyq kólikterde biz dombyranyń únin óz qulaǵymyzben estý márebesine ıe boldyq . Osyndaı akııa ár jyl saıyn ótkizilip tursa degen nıettemiz. Barsha uıymdastyrýshylarǵa alǵysymyz sheksiz,-dedi qala turǵyny Nazym Kelerbekova.
"Adyrna" ulttyq portaly
