22 mamyr kúni, túnde Atyraý oblysy Jalǵansaı aýylynda bóget jaryldy. 200-den astam turǵyn kórshi aýylǵa shuǵyl evakýaııalandy, - dep habarlaıdy “Adyrna” ulttyq portaly Atyraý oblysy TJD jedel áreket etý ortalyǵyna silteme jasap.
22 mamyr kúni saǵat 23:41-de Atyraý oblysy, Mahambet aýdany, Jalǵansaıǵa kire beriste bóget buzyldy. Aýyldaǵy sý deńgeıi kúrt kóterile bastady. Oqıǵa ornyna dereý aýdandaǵy kezekshi Tótenshe jaǵdaılar qyzmetiniń kúshteri jumyldyryldy. Tótenshe jaǵdaıdy joıýǵa 35 birlik tehnıka men 50 adam jetti.
Tún ortasynan keıin sý basý qaýpi bar aımaqtardan turǵyndardy kóshirý bastaldy. Turǵyndar kórshiles Mahambet aýylyndaǵy D.Tólenov jáne E.Aǵeleýov atyndaǵy orta mektepterge kóshirildi. Evakýaııa pýnktine barlyǵy 200-den astam turǵyn ornalastyryldy.
Qazir qutqarýshylar, Qorǵanys mınıstrliginiń áskerı qyzmetkerleri jáne jergilikti bılik ókilderi buzylǵan bógetti qalpyna keltirýde. Jaǵdaıdy turaqtandyrý úshin oblys ortalyǵynan qosymsha kúshter men resýrstar suraldy. Oblys ákimi tótenshe jaǵdaı ornynda. 23 mamyrda tańǵy saǵat 4:20-da bóget qalpyna keltirildi. Jumysqa 842 adam men 84 tehnıka jumyldyryldy.
Turǵyn úıler men nysandardy sý basqan joq. Zardap shekkender joq. Elektr jelisi úzilmegen. Qazirgi ýaqytta qalypqa keltirilgen bógetti qosymsha nyǵaıtý jumystary júrgizilýde.
Jalǵansaı aýylynda saǵat 08:00-de jaǵdaı turaqty, qaýiptiń joıylýyna baılanysty D.Tólenov atyndaǵy orta mektepte bolǵan Jalǵansaı aýylynyń 143 turǵyny úılerine oraldy.
