"Saliqaly ūrpaq" qory su tasqynynan zardap şekken auyldarǧa kömek retınde kiız üiler jıberdı

"Saliqaly ūrpaq" qory su tasqynynan zardap şekken auyldarǧa kiız üiler jıberdı. Halyqtyŋ sūranysyna orai satyp alynǧan jylu Arqalyq qalasyna qarasty "Ekıdıŋ" jäne "Qyzyl jūldyz" eldı mekenderıne jöneltıldı. Qostanai öŋırındegı būl auyldardy su basyp, üiler qirap, şarasyz qalǧan halyq tügel köşırılgen edı. Sondyqtan, "Saliqaly ūrpaq" qoǧamdyq qorynyŋ müşelerı jergılıktı tūrǧyndardyŋ jan-aiqaiyn tyŋdap, qandai mūqtajdyq basym ekendıgın bılıp, jaǧdaidy közben köru üşın osy auyldarǧa arnaiy barǧan edı. Uaqytşa panalaityn kiız üi sūraǧan halyqtyŋ tıleuı köp ūzamai oryndaldy. "Su tasqynynyŋ saldarynan tırnektep jinaǧan barlyq dünie-mülkınen, malynan aiyrylǧan halyqtyŋ jaǧdaiy älı künge deiın kürdelı ekendıgıne közımız jettı. Tūrǧyndardyŋ köpşılıgı panalaityn oryn tappai qinalyp otyr eken. Sondyqtan, köptıŋ tıleuı - kiız üi boldy. Bız, iaǧni "Saliqaly ūrpaq" qory jinalǧan halyqqa uäde etıp, bırden tapsyrys berdık. Tapsyrysymyz uaqytynda daiyn bolyp, mınekei, bügın kiız üilerdı auyl ışıne qūryp, halyqqa tabystadyq, sözımızde tūrdyq. Bastysy, kiız üilerdıŋ sapasyna män berdık. Barlyǧy talapqa sai jasaldy. Jergılıktı halyq rizaşylyǧyn, şeksız alǧystaryn bıldırıp jatyr. "Jūmyla kötergen jük jeŋıl", - deidı ǧoi. Sondyqtan, qandai qiynşylyq bolsa da, halyqpen bırge bolaiyq", - dedı "Saliqaly ūrpaq" qoǧamdyq qorynyŋ direktory Qasym Qasabekov. Eske salaiyq, su tasqyny kezınde Arqalyq qalasyna qarasty "Ekıdıŋ" jäne "Qyzyl jūldyz" auylynyŋ tūrǧyndary tıkūşaqtyŋ kömegımen qauıpsız aimaqqa, Arqalyq qalasyndaǧy evakuasiialyq punktterge köşırılgen edı. Jalpy, qala aumaǧyndaǧy su basqan auyldarda 87 üi, al tek Ekıdıŋ auylynyŋ özınde 38 baspana tūruǧa jaramsyz dep tanylǧan. Bügınde jaŋa üilerdıŋ qūrylysy bastalyp, halyqqa bırte-bırte ötemaqy tölenıp, şyǧyn ötelıp, käsıpkerler tarapynan da tiıstı kömek körsetılıp jatyr.