Taşkent oblysy Almalyq qalasynyŋ 28 jastaǧy tūrǧyny Özbekstan prezidentı Şavkat Mirzieevtı balaǧattady dep aiyptaldy. Būl turaly Gazeta.uz jazdy, dep habarlaidy «Adyrna» tılşısı.
Ükımdı 8 säuırde Samarqand oblysynyŋ Ystyqhan audandyq qylmystyq ıster jönındegı soty şyǧardy.
Sottaluşy — farmasevtikalyq kompaniianyŋ negızın qalauşy. Ol 2023 jyldyŋ 2 mamyry men 31 tamyzy aralyǧynda Instagram jelısınde prezidentke tıl tigızetın pıkırler qaldyrǧan. Er adam kınäsın tolyq moiyndap, jasaǧan äreketıne ökınetının jetkızdı.
Sot Almalyq tūrǧynyn Özbekstan Qylmystyq kodeksınıŋ 158-babynyŋ 3-bölıgı («Özbekstan Respublikasy prezidentın jariia türde qorlau nemese jala jabu, sol siiaqty baspasöz nemese özge de būqaralyq aqparat qūraldaryn, telekommunikasiia jelılerın nemese internettı paidalanu») boiynşa kınälı dep tapty. Ol 2 jyl 6 ai tüzeu jūmystary türındegı jazaǧa tartyldy. Sondai-aq ai saiyn jalaqysynyŋ 20 paiyzy öndırıp alynatyn bolady.
Eske salaiyq, būǧan deiın jyl basynan berı Özbekstan prezidentın «balaǧattady» degen 10 adamnyŋ sottalǧanyn jazǧan edık.
