Búgin, 24 mamyrda Oqý-aǵartý mınıstri Ǵanı Beısembaev qazaqstandyq oqýshylardy 2023-2024 oqý jylynyń aıaqtalýymen quttyqtady, dep habarlaıdy «Adyrna» tilshisi.
«Sizderdi bıylǵy oqý jylynyń aıaqtalýymen shyn júrekten quttyqtaımyn! Osy aıtýly oqıǵany alǵash ret «Bilimim – Otanyma» taqyrybynda jańa biryńǵaı formatta atap ótemiz.
Bul – bir jylda atqarylǵan jumysty qorytyndylap, muǵalimderge, mektep ujymyna, ata-analaryńyzǵa alǵys aıtýǵa bolatyn taptyrmas sebep. Óıtkeni, sizderdiń eńbekpen alǵan bilimderińiz Otanǵa degen súıispenshilik pen qurmettiń belgisi!
Búgin sizdermen birge elimizdegi tórt mıllıonǵa jýyq oqýshy kelesi synyptarǵa aýysady. Bir jylda sizder eseıip, oqýda, shyǵarmashylyqta, sportta úlken jetistikterge jettińizder»,—dedi mınıstr.
Ǵanı Beısembaev sý tasqynymen kúreste aldyńǵy qatarda bolyp, kómekke jumylǵan qazaqstandyq pedagogterge alǵysyn bildirdi.
«Qıyndyqtarǵa moıynsunbaı, balalarymyzdy oqytýdy jalǵastyrdyńyzdar, mektepterdi qutqaryp, muqtaj jandarǵa qoldaý kórsettińizder jáne aǵartýshylyq mıssııany adal atqardyńyzdar. Sizderdiń eren eńbekterińiz ben ustazdyq kásipke adaldyqtaryńyz úshin eń shynaıy rızashylyǵymdy bildiremin!»— dedi ol.
