Búgin, 24 mamyrda sýdyń kóptigi men qatty jeldiń saldarynan Atyraý qalasynyń mańyndaǵy Sokolok kanaly boıyndaǵy bóget buzyldy. Atyraý oblysynyń TJ jónindegi jedel shtaby aıtty, dep habarlaıdy «Adyrna» tilshisi.
«Sokolok» kanaly— Atyraý qalasyna baǵyttalǵan úlken sý nópirin Jaıyq ózeni arqyly retteýdiń negizgi elementteriniń biri. Osyǵan baılanysty kanal boıyndaǵy alǵashqy qorǵanys nysanyna qosymsha, qalany tasqyn sýlardan qorǵaýǵa arnalǵan ekinshi qorǵanys nysany salynǵanyn atap ótkenimiz jón. Ekinshi qorǵanys bógetiniń beriktigin qamtamasyz etý maqsatynda, qosymsha nyǵaıtý jumystary júrgizildi»,—delingen habarlamada.
Jedel shtab bógettiń bıiktigi Baltyq bıiktik júıesiniń deńgeıine sáıkes ulǵaıtylǵanyn málimdedi.
«Bul ýchaskede táýlik boıy kezekshilik uıymdastyrylyp otyr. Qazirgi ýaqytta jaǵdaıdyń ózgerýine baılanysty qajetti sheshimder alý úshin qosymsha tehnıkalar jiberildi»,—dep túsindirdi mamandar.
