Atyrauda Qazaqstan tuyn özgertumen bailanysty äleumettık jelıde taraǧan dauly fotosuretke qatysty küdıktıler anyqtaldy. Qūqyq qorǧau organdary būl oqiǧa boiynşa qylmystyq ıs qozǧap, sotqa deiıngı tergeu jürgızıp jatqanyn mälımdedı, dep habarlaidy "Adyrna" ūlttyq portaly.
Atyrau oblystyq polisiia departamentınıŋ mälımetınşe, surettegı tört küdıktı anyqtalyp, polisiia bölımıne jetkızılgen. Tergeu qūpiialyǧyna bailanysty qosymşa aqparat jariialanbaidy.
Dauly fotoda bet-jüzın tūmşalaǧan bırneşe adam Qazaqstan tuyn ūstap tūrǧany, alaida onyŋ joǧarǧy bölıgıne Saud Arabiiasynyŋ tuynyŋ elementterı qosylǧany baiqalǧan.
Qazaqstan Respublikasynyŋ zaŋnamasyna säikes, memlekettık rämızderdı qorlau 3 000 ailyq eseptık körsetkışke (AEK) deiıngı (2025 jyly 11 796 000 teŋge) aiyppūl saluǧa nemese 900 saǧatqa deiın qoǧamdyq jūmystarǧa tartuǧa, ne ekı jylǧa deiın bas bostandyǧynan aiyruǧa äkep soǧuy mümkın.
Qazırgı taŋda qūqyq qorǧau organdary oqiǧanyŋ män-jaiyn anyqtauda.
Ūqsas jaŋalyqtar
