Foto: SQO PD
Petropavldyŋ 42 jastaǧy tūrǧyny İrina Antonenko 25 qyrküiekte, Qazaqstanda jalpyūlttyq aza tūtu künı jariialanǧan uaqytta jelıde bilegen, dep habarlaidy "Adyrna".
Ol qaraly künı TikTok jelısınde tıkelei efirge şyǧyp, köŋıldı änge bilegen. Keiın onyŋ äreketı äleumettık jelıde qyzu talqyǧa tüstı.
Efir kezınde körermender Antonenkonyŋ äreketın synaǧan. Būǧan jauap retınde ol qaza tapqan äskeri qyzmetşılerdı jeke tanymaitynyn aityp, oqiǧaǧa bailanysty ömır saltyn özgertudı qajet dep sanamaitynyn jetkızgen.
Soltüstık Qazaqstan oblysynyŋ polisiia departamentı äieldıŋ äreketıne bailanysty tekseru jürgızıp, materialdardy sotqa joldaǧan.
«29 qyrküiekte sot äielge ūsaq būzaqylyq jasaǧany üşın 10 täulık äkımşılık qamau taǧaiyndady. Faktıge zaŋda belgılengen tärtıppen qūqyqtyq baǧa berıldı. «Zaŋ men tärtıp» qaǧidaty barşaǧa ortaq», – dep habarlady polisiia.
Eske salaiyq, 24 qyrküiekte Maŋǧystau oblysyndaǧy oqu-jattyǧu kezınde äskeri qyzmetşıler qaza tapqan. Osyǧan bailanysty Prezident Qasym-Jomart Toqaev 25 qyrküiektı Qazaqstanda jalpyūlttyq aza tūtu künı dep jariialaǧan edı.
