Qazaqstan prezidentı Qasym-Jomart Toqaev prezidenttıŋ parlamenttegı ökıldıgınıŋ jaŋa basşysyn taǧaiyndau turaly jarlyqqa qol qoidy, dep habarlady Aqordanyŋ baspasöz qyzmetı.

"Memleket basşysynyŋ jarlyǧymen Beibıt Öksıkbaiūly İsabaev Qazaqstan Respublikasy prezidentınıŋ Qazaqstan Respublikasy parlamentındegı ökıldıgınıŋ basşysy qyzmetıne taǧaiyndaldy", - dep jazylǧan jarlyqta.

Ol Qazaqstannyŋ Äzerbaijandaǧy tötenşe jäne ökılettı elşısı qyzmetınen bosatyldy. Būǧan deiın būl qyzmettı atqarǧan Qairat Nūrpeiısov basqa jūmysqa auysty.  

Beibıt İsabaevtyŋ ömırbaiany

1962 jyly 4 jeltoqsanda Almaty oblysyndaǧy Baqanas auylynda düniege kelgen.1985 jyly S.M.Kirov atyndaǧy Qazaq memlekettık universitetın, 1999 jyly Qazaqstan SIM Diplomatiialyq akademiiasyn bıtırgen. Saiasi ǧylymdar doktory ǧylymi därejesın alǧan. 1985-1994 jyldary BAQ-ta jūmys ıstedı, "Örken – Gorizont" gazetınıŋ bas redaktory, Qazaq memlekettık televiziiasynyŋ bas direktory boldy. 1994-1997 jyldary Almaty äkımınıŋ orynbasary qyzmetın atqardy. 1997-1999 jyldary – SIM Diplomatiialyq akademiiasynyŋ tyŋdauşysy. 2002 jyly  Qazaqstan Respublikasy atynan "Ortalyq Aziia yntymaqtastyǧy" ūiymynyŋ qyzmetın ūlttyq üilestıruşı bolyp taǧaiyndaldy. Är jyldary Qazaqstannyŋ Päkıstan, Türkiia, Albaniia, Äzerbaijan, Qyrǧyzstandaǧy tötenşe jäne ökılettı elşısı boldy. 2008 jylǧy aqpan-tamyz ailarynda – QR mädeniet jäne aqparat vise-ministrı. 2008-2009 jyldary – Qazaqstan prezidentınıŋ baspasöz hatşysy. "Parasat", "Qūrmet","Za zaslugi" (TMD) ordenderımen, QR Qūrmet gramotasymen jäne köptegen medalmen marapattalǧan.