Almatyda terrorizmdı nasihattady degen küdıkpen ekı şeteldık azamat ūstaldy, dep habarlaidy “Adyrna” ūlttyq portaly Ūlttyq qauıpsızdık komitetınıŋ (ŪQK) baspasöz qyzmetıne sıltep.
«28 mamyrda ŪQK prokuraturanyŋ kelısuımen jäne polisiianyŋ kömegımen Almatyda terrorizmdı nasihattady degen küdıkpen ekı şeteldık azamat ūstaldy. Tergeu mälımetterı boiynşa, olar būryn şetelde ūzaq uaqyt tūryp, sol jaqta radikaldy dıni ideologiiamen ainalysqan. Olar Qazaqstanǧa biyl kelgen jäne tūraqty jūmysy bolmaǧan», - delıngen särsenbı künı taratqan habarlamada.
Ūlttyq qauıpsızdık komitetınıŋ mälımetınşe, QR Qylmystyq kodeksınıŋ 256-babynyŋ 2-bölıgı (terrorizmdı nasihattau nemese terrorizm aktısın jasauǧa jariia şaqyru) boiynşa sotqa deiıngı tergeu amaldary jürgızılude.
Ūqsas jaŋalyqtar
