«Taza Qazaqstan. Astana – tazalyq pen tärtıptıŋ ülgısı» auqymdy ekoaksiia aiasynda Qazaqstan halqy Assambleiasy jastar qanatynyŋ ökılderı elordada aǧaştar otyrǧyzdy, dep habarlaidy qalalyq äkımdıktıŋ resmi saity.
QHA jastary ekoaksiia aksiiasy aiasynda 100-ge juyq şaǧan men qaraǧai köşetterın otyrǧyzdy.
«Būl aksiiaǧa ärbır azamat, qalanyŋ ärbır tūrǧyny qatysuy tiıs dep sanaimyn. Öitkenı qalaǧa jasyl jelekter qajet, jalpy qala tırşılıgıne qamqorlyqpen qarau kerek. Bız öz qatysuşylarymyzdy ūsyndyq», - dedı QHA jastar qozǧalysynyŋ qatysuşysy Elena Peskorskaia.
«Būl qalanyŋ jaǧdaiyna öte jaqsy äser etedı, sonymen qatar komandany bırıktıredı. Bız bala kezımızden qalanyŋ jai-küiıne qamqorlyq jasaimyz, tazalyqty saqtaimyz», - dedı ekoaksiiaǧa qatysuşy Elizaveta Ogai.
Belsendıler är tūrǧyn ekologiia men qorşaǧan ortany jaqsartu turaly oilanyp, ekoaksiialarǧa qatysuy kerek dep sanaidy.
«Menıŋ oiymşa, būl aksiia jastardy özderınen keiıngılerge ülgı etıp körsetedı. Ärkım aǧaş otyrǧyzudan bastauy kerek dep sanaimyn. Mūndai qadamdy bırtındep auqymdy jahandyq mäselelerge būru kerek», - dedı aksiianyŋ taǧy bır qatysuşysy Alina Nūrǧalieva.
Jyl soŋyna deiın Astanada 1 millionnan astam köşet otyrǧyzu josparlanuda.
https://youtu.be/G2vBnuiGoks
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz