Bügın, 31 mamyrda prezident Qasym-Jomart Toqaev ǧalymdarmen kezdestı, dep habarlaidy «Adyrna» tılşısı Aqordaǧa sılteme jasap.
Memleket basşysy Almaty qalasynda ötıp jatqan jiynda eldıŋ ǧylymi äleuetın damytu kerektıgın aitty.
«Şikızatqa arqa süiep otyrǧan el alysqa barmaidy. Bızge ǧalymdar, injenerler, önertapqyştar qajet. Mamandarymyz älemdık bäsekege tötep bere alatyndai bılımdı, bılıktı boluy kerek.
Bügınde alpauyt elderdıŋ arasynda barlyq salada baqtalastyq örşıp tūr. Bız osy kürdelı kezeŋde ekonomikanyŋ jaŋa ülgısıne köşe bastadyq. Ädıl, inkliuzivtı ärı bäsekege qabılettı ekonomika qūruǧa kırıstık. Ǧylym men innovasiia onyŋ basty tıregı boluǧa tiıs.
Bız köşke ılesetın emes, köştı bastaityn elderdıŋ qatarynda boluymyz kerek. Bır sözben, ǧylymi äleuetımızdı arttyru qajet. Jalpy, osy baǧytta bıraz şarua atqarylyp jatyr. Men Ǧylym jäne tehnologiialar jönındegı ūlttyq keŋestıŋ otyrysynda bırqatar naqty tapsyrma berdım. Barlyq mäsele menıŋ tıkelei baqylauymda»,—dedı ol.
Preztdent qazır «Ǧylym jäne tehnologiialyq saiasat turaly» zaŋ jobasynyŋ Parlamentte qaralyp jatqanyn atap öttı.
«Keşe Senat ony bırınşı oqylymda maqūldady. Būl – öte maŋyzdy ärı köpten kütken qūjat. Ǧylymdy basqaru jüiesın jetıldıru kerek. Ǧalymdarǧa äleumettık qoldau körsetu mäselesı de öte maŋyzdy. Sondyqtan Zaŋda ǧylymi qauymdastyqtyŋ müddesı barynşa eskerıletın bolady»,—dedı basşy.