Tūtynuşylarǧa baǧdarlanǧan servistık apparatty qalyptastyrudamyz

1004
Adyrna.kz Telegram
https://adyrna.kz/content/uploads/2024/06/df2084ed-1200-422a-b603-9f7c75be6c91.jpeg

Batys Qazaqstan oblysynda öŋırlık kadrlyq rezervke ırıkteu qalai ötude jäne jalpy jastardy qoldau boiynşa qandai şaralar qabyldanuda?

Jastardy qoldau jäne daryndy mamandardy memlekettık qyzmet salasyna tartu maqsatynda Prezidenttıŋ bastamasymen «äleumettık lift» retınde Prezidenttık jastar kadr rezervı men öŋırlık kadrlyq rezervı jüzege asyryluda.

Osy jyldyŋ 1 nauryzynan bastap barlyq öŋırlerde öŋırlık kadrlyq rezervterge ırıkteu ötkızılude.

Jobanyŋ negızgı maqsaty – jas basqaruşylardyŋ öŋırlık puldaryn qalyptastyru jäne öŋırlerdı damytuǧa talantty jastardy tartu.

Qazırgı kezde, ümıtkerler qūzyretterdı anyqtauǧa ärı baǧalauǧa baǧyttalǧan jattyǧulardy öttı, jaqyn arada komissiiada taŋdaǧan salalyq baǧyttar boiynşa jobalaryn qorǧaidy.

Öŋırlık kadr komissiiasy rezervke ekı jyldyq merzımge kandidattardy qabyldau turaly şeşım qabyldaityn bolady.

Soǧan qosa, memlekettık qyzmetke kırude artyq kedergılerdı joiu jäne memlekettık qyzmetten şyǧu tärtıbın jeŋıldetu boiynşa tiıstı özgerıster qabyldandy.

Memlekettık grantpen oqu oryndaryn joǧarǧy körsetkışpen aiaqtaǧan tülekterde audan men auyldyq jerlerde tömengı lauazymdarǧa tıkelei taǧaiyndaluǧa mümkındıkterı bar.

Būl tetık bılıktı jastardy memlekettık qyzmetke yntalandyruǧa, öŋırlerde kadr tūraqtylyǧyn qamtamasyz etuge mümkındık beredı, öŋırımızde 20 tülek qyzmet atqaruda.

Departament memlekettık qyzmetşılerdıŋ qyzmettık ädeptı saqtauyna baqylau jürgızu boiynşa qandai jūmys jürgızılude?

Departament memlekettık qyzmet salasyndaǧy zaŋnamany jäne qyzmettık ädeptıŋ saqtaluyna memlekettık baqylaudy jüzege asyrady jäne basymdylyq zaŋnama būzuşylyqtarynyŋ profilaktikasyna berıledı.

Osylaişa, memlekettık qyzmetşılerge zaŋnama talaptaryn tüsındıru, qyzmettık ädeptı nyǧaitu baǧytynda 135 ıs-şara ötkızıldı.

Desek te, älı de būzuşylyqtar oryn aluda.

Mysaly, memlekettık qyzmetşılerdıŋ äleumettık kepıldıkterınıŋ saqtaluyna, jūmys uaqyty rejimıne, olardyŋ baǧalauyna jäne bonustar töleuıne, tärtıptık jauaptylyqqa tartu täjıribesıne monitoring jürgızıledı.

Nätijesınde 11 qyzmetşıge zaŋnama talaptary saqtalmai qoldanylǧan tärtıptık jazalardyŋ küşterı joiyldy.

Osyǧan qosa, 79 memlekettık qyzmetşılerdıŋ jūmys ornynda üsteme jūmysqa tartu turaly būiryq räsımdelmei bolǧany anyqtaldy, olarǧa qosymşa demalys uaqyty berıldı.

Sondai-aq, 42 qyzmetşıge ıssapar şyǧyndaryn uaqytyly tölenbegen 2,6 mln. teŋge kölemınde tölemder jürgızıldı.

Departamenttıŋ ūsynymymen 24 memlekettık qyzmetşıge tiıstı baǧalau ötkızıldı, negızsız tölenbegen bonustardy töleu şaralary qabyldanuda.

Memlekettık körsetıletın qyzmetterdıŋ sapasyna baqylau baǧytynda qandai jūmystar atqaryluda?

Departament öz qyzmetınde halyqqa sapaly memlekettık qyzmetterdı körsetudı qamtamasyz etude, qyzmet aluşylardyŋ qūqyqtaryn qorǧauǧa erekşe nazar audarylady.

Aǧymdaǧy jyly Departamentpen 9 qyzmet aluşynyŋ qūqyqtary qalpyna keltırıldı.

Mysaly, Departamentpen qyzmet aluşy A. şaǧymy negızınde jürgızılgen tekseru nätijesı boiynşa qyzmet aluşyǧa memlekettık qyzmet tolyq körsetılıp, jerdıŋ nysanaly maqsaty özgertıldı.

Azamattarda qyzmetterdı alu kezınde qandai da bır mäseleler tuyndaǧan jaǧdaida Departamentke şaǧymdana alady, zaŋbūzuşylyqtar anyqtalǧan jaǧdaida dereu şaralar qabyldanatyn bolady.

Baisalov Mūrat Seilbekūly,

Qazaqstan Respublikasy

Memlekettık qyzmet ısterı agenttıgınıŋ

Batys Qazaqstan oblysy boiynşa departamentınıŋ basşysy

Pıkırler