Bügın Qazaqstan Respublikasynyŋ Ükımet üiınde 5-şı Düniejüzılık köşpendıler oiyndaryn daiyndau jäne ötkızu jönındegı Ūiymdastyru komitetı men Halyk Bank arasyndaǧy yntymaqtastyq turaly kelısımge qol qoiyldy.
Yntymaqtastyq turaly kelısımge Qazaqstan Respublikasy Premer-Ministrınıŋ Bırınşı orynbasary, 5-şı Düniejüzılık köşpendıler oiyndaryn daiyndau jäne ötkızu jönındegı Ūiymdastyru komitetınıŋ Töraǧasy Roman Skliar jäne Hayk Bank AQ Basqarma Töraiymy Ümıt Şaiahmetova qol qoidy. Qol qoiu räsımıne Turizm jäne sport vise-ministrı Serık Jarasbaev, 5-şı Düniejüzılık köşpendıler oiyndaryn daiyndau jäne ötkızu jönındegı Direksiia basşysy Nail Nūrov qatysty.
Būl kelısım 5-şı Düniejüzılık köşpendıler oiyndarynyŋ maŋyzdylyǧyn arttyryp, memleket pen biznes arasyndaǧy ärıptestıktı nyǧaita tüsedı. Bas serıktes retınde Halyk Bank 8-13 qyrküiek aralyǧynda Astanada ötetın köşpendıler oiyndaryn ūiymdastyru ısıne aitarlyqtai qoldau körsetedı.

Öz sözınde Roman Skliar Qazaqstannyŋ tarihi tūrǧyda dästürlı köşpelı mädeniettıŋ saqtauşysy ekenıne erekşe män berıp, «Memleket basşysy Qasym-Jomart Kemelūly Toqaev köşpelı örkeniettıŋ mūrasyn halqymyzdyŋ basty brendterınıŋ bırı dep atady. Būl mūrany bız Astanadaǧy oiyndar kezınde jahandyq deŋgeide tanytuymyz kerek»,- dep mälımdedı.
Roman Skliardyŋ pıkırınşe, 5-şı Düniejüzılık köşpendıler oiyndarynyŋ bas serıktesı retınde Qazaqstannyŋ qarjy salasynyŋ köşbasşysy – Halyk Bank-tıŋ taŋdaluy tolyqtai oryndy. Bank qarjylyq qyzmet körsetuşı ǧana es, sonymen qatar bükıl respublika boiynşa äleumettık jobalardy belsendı türde ıske asyryp otyrǧan asa jauapty mekeme.
Öz tarapynan Halyk Bank basşysy Ümıt Şaiahmetova mūndai joǧary deŋgeidegı maŋyzdy halyqaralyq jobaǧa qoldau körsetu bank üşın ülken märtebe ärı asqan jauapkerşılık ekenın aita kele, «Bız, 5-şı Düniejüzılık köşpendıler oiyndaryn ötkızu elımızdıŋ älemdık qauymdastyq aldyndaǧy abyroiyn arttyrudaǧy aitarlyqtai qadam dep esepteimız. Būl ortaq mūramyz ben mädeni kodymyzdy saqtaudyŋ maŋyzdylyǧyn därıpteuge baǧyttalǧan, jüzden astam memleket ökılderı qatysatyn halyqaralyq joba. Bız bank retınde eldıŋ damuy men Qazaqstan halqynyŋ igılıgıne baǧyttalǧan ısterdı ärqaşan qoldaimyz», - dep atap öttı.
5-şı Düniejüzılık köşpendıler oiyndary Astanada 8-13 qyrküiek aralyǧynda ötedı. 21 sport türın qamtyǧan dodaly jarysqa älemnıŋ 85 elınen 2000-nan asa sportşy qatysady.