«Bır joly stadionda jemqorlardy qalai atyp jatqanyn kördım. Sūmdyq äser qaldyrdy. Adamdardy jük kölıgımen äkelıp, tüsırdı, közderın bailap qoiǧan, tızerlep otyrǧyzyp, olarǧa ükımdı oqydy, sodan soŋ ärqaisynyŋ jelkesınen atty», – deidı prezident.
Qazaqstan prezidentı Qytai basşylyǧynyŋ qylmyspen küres ädısterın aiyptamaitynyn moiyndady. Öitkenı būl memlekettıŋ tarihi-mädeni dästürı osyndai. «Eger olar sybailas jemqorlyqqa ǧana emes, auyr qaraqşylyq şabuylǧa, zorlauǧa, bank tonauǧa mūndai jaza qoldanbaityn bolsa, eldegı jaǧdaidy rettei almauy mümkın», – dedı Qazaqstan basşysy. Qasym-Jomart Toqaev Qytai ülken äleuetke ie ekenın atap öttı. Qytai ekonomikalyq jetıstıkke, memleket basşysynyŋ pıkırınşe, auqymdy reformalar men şekaralas aumaqtardaǧy naryqty aşudyŋ arqasynda qol jetkızıp otyr. Aita keteiık, 31 arnada körsetılgen «Prezident 2.0 » derektı filmınde Toqaev özınıŋ ömırbaiany, diplomatiialyq karerasy, jeke senımı turaly reseilık jurnalist Aleksei Pivovarovtyŋ sūraqtaryna aşyq jauap beredı. Filmde memleket basşysy Qazaqstannyŋ Reseimen, Qytaimen jäne basqa eldermen qarym-qatynasy turaly äŋgımeleidı, özı kezdesken köptegen bedeldı älemdık saiasatkerge erekşe baǧa beredı."Adyrna" ūlttyq portaly
