Jastar jyly aiasynda oblysta jastar saiasatyna arnalǧan tört jaŋa joba ıske asyrylady.
Aimaqtyq kommunikasiialar qyzmetınde ötken arnaiy brifingte oblys äkımınıŋ orynbasary Äsem Nüsıpova jobalarǧa toqtalyp, olardyŋ ıske asyrylu barysy turaly mälımdedı.
Bügıngı taŋda oblysta 14 jäne 29 jas aralyǧynda 264 990 adam tūrady, iaǧni aimaq tūrǧyndarynyŋ 20%-n qūraidy. Öŋırde «Jas käsıpker» jobasy aiasynda 24 şıldeden bastap 18 ben 29 jas aralyǧyndaǧy 1300 adam käsıpkerlık negızderı boiynşa arnaiy oqytu kursynan öte alady. Būl topqa köpbalaly jäne jas otbasy müşelerı, jūmysqa jaramdy mügedekter de kıredı. Odan keiın arnaiy biznes joba äzırlep, 200 ailyq eseptık körsetkışke deiın (505 myŋ teŋge) qaitarylmaityn grantqa ie bolady. Būl qarajatqa käsıpke kerek qūraldaryn, auylşaruaşylyǧyn döŋgeletemın degender mal jäne qūs satyp alady. Barlyǧy 1277 adam osyndai grantqa ie bolady. Baǧdarlamaǧa qatysu üşın tūrǧylyqty jerlerdegı jūmyspen qamtu ortalyqtary men bölımderıne ötınış bıldıru kerek.
Kelesı üş joba QR Aqparat jäne qoǧamdyq damu ministrlıgı boiynşa azamattyq bastamalardy qoldau Ortalyǧy memlekettık granty aiasynda jüzege asyrylady. Atalmyş jobalar turaly aqparatty oblystaǧy qala jäne audandardaǧy jastar resurstyq ortalyqtarynan aluǧa bolady, ortalyqtardyŋ meken-jaiy eljastary.kz saitynda körsetılgen.
Aita ketsek, «JasA!» jobasy boiynşa qala jäne auyldardy damytu jäne ekologiialyq jaǧdaiyn jaqsartuǧa baǧyttalǧan äleumettık jobalar jüzege asyrylady. «Jūmysker jastardyŋ qoǧamdastyǧy» qoǧamdyq ūiymy qatysuşylarǧa keŋes berıp, jol sılteitın bolady. Būl jobaǧa qatysu şarty öte oŋai, 26 şıldege deiın jashome.org saitynda tırkelıp, bes adamǧa deiın şaǧyn toptarǧa bırıgu qajet. Baiqau negızınde üzdıkter ırıktelıp, 610 myŋǧa deiın qarjylai granttar bölınedı. Jospar boiynşa elımızde 660 jasty qamtyp, 100 joba ıske asyrylmaq.
1 tamyzdan bastap oblysta «Qorgau» jobasy aiasynda qalalyq jäne audandyq jastar resurstyq ortalyqtarynda 20 täjıribelı zaŋgerler öz jūmysyn bastaidy. Būl jobanyŋ maqsaty azamattardyŋ, onyŋ ışınde jastardyŋ qūqyǧyn qorǧau üşın aqysyz ärı qoljetımdı qūrylym qūru. Joba «Eurasian Expert Council» qoǧamdyq qorynyŋ qoldauymen jüzege asyrylady. Zaŋger keŋesın 5 myŋnan astam adam ala alady.
14 şıldeden bastap mentorlyq joba ıske asyryluda. Tälımgerler jastarǧa qūqyqtyq, käsıbi şeberlık sūraqtary boiynşa keŋes beredı. Şyǧys Qazaqstannyŋ mentorlary Nūr-Sūltan qalasynda 4 kündık oqytu kurstaryn tämamdady.
Oblystaǧy jastar saiasaty Jastar jylynyŋ Jol kartasy aiasynda jüzege asyryluda. Onyŋ ışınde jastardy jūmyspen qamtu mındetterı «Eŋbek», «Jastar täjıribesı», «Biznestıŋ jol kartasy -2020», «Diplommen auylǧa» memlekettık baǧdarlamalar boiynşa ıske qosylǧan,-dedı oblys äkımınıŋ orynbasaryv Äsem Nüsıpova.
Aǧymdaǧy jyldyŋ basynan jūmyspen qamtu bölımderıne şaǧymdanǧan 4,5 myŋ jastar tırkelgen, onyŋ 50%-y auylda tūrady. Olardyŋ barlyǧy jūmyspen qamtu şaralarymen qamtamasyz etılgen. 15 jas «Biznestıŋ jol kartasy-2020» boiynşa grant iegerlerı atandy. «Diplommen auylǧa» baǧdarlamasy boiynşa 40,6 mln teŋgege 230 jas auylda qyzmet etuge joldama aldy. 149 adam tūrǧyn üi qūrylysy men satyp aluǧa biudjettık nesielerge ie boldy.
"Adyrna" ūlttyq portaly
