Qazaqstanǧa tanymal aitysker aqyn, Jürsın Ermannyŋ "Qaiqy qylyşy" atanǧan Bauyrjan Haliollany Batys Qazaqstan oblystyq sport basqarmasynyŋ basşysy Äsiia Amanbaeva sotqa berıptı. Bügınde Oral qalasyndaǧy Qadyr Myrza-Älı atyndaǧy öner ortalyǧynyŋ basşysy bolyp qyzmet atqaratyn şeneunık-aqynnyŋ "aiyby" oblystyŋ bas sportşysynyŋ qyzmetıne mın taǧuy eken. Äsiia hanym özınıŋ ar-namysyna tigen Bauyrjan Haliollany sotqa beru arqyly ar-namysyn 1 million teŋgege baǧalapty. Būl turaly Bauyrjan Haliolla öz Fb paraqşasynda jazdy. Bız Bauyrjannyŋ jazǧanyn qaz-qalpynda berıp otyrmyz.
ÜNDEMEIIN-AQ DEP EDIM
"BQO nyŋ bas sportşysy menı sotqa berıptı. Ar-namysynyŋ qūny - 1 mln teŋge eken.
Qysqaşa aitqanda men "öz jūmysyn mültıksız oryndap jürgen hanymǧa tekke "tiısıppın", söitıp abyroiyna nūqsan keltırıppın"
Sırä menı sauatsyz, zaŋnan habarsyz, köldeneŋ kök attyly dep oilasa kerek.
Anau-mynau emes, "qylmystyq ıs qozǧaŋyz" dep şaǧymdanypty.
Men ne, qylmystyq ıs qozǧaityndai jeke basyna "paraqor, jemqor, jezökşe, qylmysker" dep jala jauyppyn ba???
Äleumettık jelıde käsıbi jurnalist retınde BQO sporty turaly bärın zerttep, zerdelep, naqty dälelmen, derekpen jazdym.
Sonda qalai, būl kısıge eşkım eşteŋe demeu kerek pe???
Onsyz da Batystyŋ sporty batpaqqa batyp tūr. Sony jönge saludyŋ ornyna, salaqūlaş şaǧym jazyp, qaǧazyn qobyratyp menımen "şaiqasaiyn" dep otyr.
Men qaita bıraz janaşyrlardyŋ ötınışımen ündemei keldım, jeŋıl ǧana synap jazdym.
Endı jazudyŋ kökesın körsetemın!!!
Bas sportşyda "AR-NAMYS" bar eken de, jūmys barysynda neşetürlı qudalau men qysym körgen sportşylarda ondai qūndylyq joq pa????
On kündei ıssaparda bolyp, būl turaly aitatyn da uaqytym bolmap edı.
Şamasy bıreulerdıŋ "aqylymen" nemese aitaǧymen menı "ürkıtıp" tärtıpke salǧysy kelgen bolar.
Soǧystyŋ kökesı alda, endı Sızdıŋ qyzmetkerlerıŋız maǧan adam salyp, "anaǧan tiıspe, mynaǧan tiıspe" demeitın bolsyn, bärın dūrystap bastaimyn, Äsiia hanym!!!" deidı aitysker aqyn.
Soŋǧy kezde BQO sportynan qairat ketkenın sporttan habary bar är janküier aitady. Sport mamandaryn aitpaǧanda. Kezınde Oraldyŋ arystan jürek, qūryş bılek jıgıtterınen elımızdı qoiyp, älem paluandary qorqatyn. Jympity men Taipaq topyraǧy el bairaǧyn jelbıretken qanşama paluan syilady. Qonys Jetpısov pen Erbolat Baibatyrovtar beldeskennıŋ belın üzıp, aiaǧy bardy tızerlettı. Oralbek Qojageldin, Ashat Şaihiev, Daniiar Eleusınovterdıŋ aty qazaq sportynyŋ tarihynda altyn ärıppen jazuly.
Osy baǧlandar men oǧlandardyŋ jeŋıstı künderıne kuäger Bauyrjan Haliolla soŋǧy jyldardaǧy sport basqarmasynyŋ jūmystaryn synap bırneşe märte post jazǧan bolatyn. Osy jazbalary Äsiia Amanbaeva hanymnyŋ abyroiy men ar-namysyna nūqsan keltırıp, şeneunık sportşy şeneunık aqyndy sotqa berude.
Sottyŋ bırınşı tyŋdauy bügın ötuı kerek bolatyn. Tüsten keiın sotqa şaqyrtylǧan aqyn-şeneunık sottyŋ bolmaǧanyn aitty. Sebep, Äsiia Amanbaeva qyzmettık ıs-saparda eken.

"Adyrna " ūlttyq portaly