Şyǧys Qazaqstanda ekı tūrǧyn bilıktı basyp alu jäne separatistık äreketterdı nasihattaǧany üşın 5 jylǧa sottalǧan, dep habarlaidy "Adyrna" ūlttyq portaly Tengrinews.kz tılşısıne sıltep.
Oblystyq prokuraturanyŋ mälımetınşe, №2 sotynyŋ şeşımımen Şyǧys Qazaqstan oblysynyŋ ekı tūrǧyny ūlttyq jäne äleumettık arazdyqty qozdyratyn jariialanymdar men ügıt-nasihattary üşın sottalǧan.
"Tergeu barysynda atalmyş tūlǧalar 2024 jyldyŋ aqpanynda internet-resurstardy (chat-ruletka) paidalanyp, Şyǧys Qazaqstan oblysyn Qazaqstan Respublikasynan bölu maqsatynda referendum ötkızu qajet ekenı turaly senımderı men ideialaryn bıldırgenı belgılı boldy. Referendumda oŋ nätijege qoljetkızılmegen jaǧdaida oblysty küştep basyp aludy nasihattaǧan. Aiyptaluşylar öz kınälaryn tolyq moiyndap, ökınış bıldırdı", - delıngen prrokuratura habarlamasynda.
