Jyl saiyn 14 mausymda älemnıŋ barlyq elderı Düniejüzılık qan donory künın atap ötedı. Osy merekege orai Transfuziologiia ǧylymi-öndırıstık ortalyǧynda būqaralyq aqparat qūraldarynyŋ ökılderı üşın baspasöz tury öttı. Is-şarany QR Densaulyq saqtau ministrlıgınıŋ qoldauymen TǦÖO baspasöz qyzmetı ūiymdastyrdy.
Ortalyq qyzmetkerlerı BAQ ökılderıne qan tapsyrudyŋ paidasy, donorlyq materialdyŋ qauıpsızdıgı turaly tüsındırıp, TǦÖO zerthanalarynyŋ jūmysyn jäne donorlyq qandy alu jäne öŋdeu prosesterın körsettı.
[caption id="attachment_201418" align="alignleft" width="2560"]
+[/caption]
«Bızdıŋ donorlyq qandy zerthanalyq testıleu jäne qaita öŋdeu tehnologiialarymyz AQŞ pen Europadaǧy qoldanylatyn tehnologiialarmen bırdei. Halyqaralyq standarttardy engızu erıktı türdegı qan donorlyǧyn damytuǧa, infeksiialardy anyqtau maqsatyndaǧy qannyŋ zerthanalyq skrining jüiesın jetıldıruge mümkındık berdı. 2013 jyldan bastap skrining İFT jäne PTR ekı ädısımen jürgızıledı. 2010 jyldan bastap bızdıŋ ortalyqtyŋ bazasynda tolyq avtomattandyrylǧan analitikalyq jabdyqty paidalana otyryp, ekı satyly skrining qoldanylady. Būl qan diagnostikasynda qatelıkter jıberu faktılerın boldyrmaidy. TMD aumaǧynda memlekettık deŋgeidegı zerthanalyq diagnostikanyŋ būl ädısı tek Qazaqstanda qoldanylady», - dep atap öttı Transfuziologiia ǧylymi-öndırıstık ortalyǧynyŋ basqarma töraǧasy Saniia Äbdırahmanova.
Biylǧy jyly jahandyq nauqan «20 jyl riiasyz quanyş: Rahmet Sızge, Donor!» ūranymen ötude. Ortalyq därıgerlerı qan, plazma jäne trombositter donorlaryna rizaşylyqtaryn bıldırıp, adamdardy jahandyq qan tapsyru qozǧalysyna qatysuǧa şaqyrdy.
