Pavlodar oblysynyŋ «Qarttar men mügedektıgı bar adamdarǧa arnalǧan jalpy ülgıdegı Aqsu arnauly äleumettık qyzmetter körsetu ortalyǧy» 19 mausym künı «Nan (bidai, qara bidai)» degen taqyryppen tender jariialady. Sol jariialanym mätınındegı qatelıkter memlekettık tıldı masqaralaidy, - dep habarlaidy «Adyrna» ūlttyq portaly https://satypalu.gov.kz/kz/ saityna sılteme jasap.
Pavlodar oblysynyŋ jūmyspen qamtudy üilestıru jäne äleumettık baǧdarlamalar basqarmasyna qarasty atalmyş mekeme memleket qarjysyna 2 100 000 teŋgege nan satyp almaq körınedı. Tender jeŋımpazy 26 mausym künı anyqtalady.
Tenderınıŋ tehnikalyq sipattamasyn oqyp şyqsaŋyz, memlekettık mekemenıŋ memlekettık tıldı qalai qorlaǧanyn köresız. Qaraŋyz:
«1-sūrypty qara bidai ūnynan jasalǧan, ūzaq saqtalatyn, betı ırı jaryqşaqsyz, qoparusyz tegıs, tüsı sarydan
qoŋyrǧa deiın. Miakiş propechennyi emes, dymqyl sezıledı, elastichnyi. Önımnıŋ osy türıne tän däm men iıs. Bır bölke salmaǧy 550 gr kem emes. Tauar taŋerteŋgı uaqytta tapsyrys beruşınıŋ ötınımı boiynşa jaŋa jetkızıledı».
«Betı ırı jaryqşaqsyz», «qoparusyz tegıs», «tüsı sarydan qoŋyrǧa deiın», «Miakiş propechennyi emes», «dymqyl sezıledı», «elastichnyi» degen sekıldı şala qazaqşamen memmekeme bızge ne aitpaq? Pavlodar oblysynda tehnikalyq sipattamany taza memlekettık tılde jazatyn bır maman joq pa?
Būl sūraqtardy Pavlodar oblysynyŋ aqparat jäne qoǧamdyq damu basqarmasyna joldadyq. Basqarma jauaby kelıp jatsa, ony da jariialaitynymyzdy eskertemız.
Ūqsas jaŋalyqtar
Qanat Bırlıkūly
Adyrna ūlttyq portaly
