Bügın, 19 mausym künı Almatyda, äl-Farabi atyndaǧy Qazaq Ūlttyq universitetınıŋ aldynda biylǧy mektep tülekterınıŋ bırı subūrqaqqa tüsıp, qaza tapty.
Kuägerlerdıŋ sözınşe, oqiǧa 16:00 şamasynda bolǧan. Almaty qalasyndaǧy jalǧyz ŪBT tapsyru ortalyǧy bolyp sanalatyn Qazaq Ūlttyq universitetı aumaǧyndaǧy ǧimarattan synaq tapsyryp şyqqan tülekter subūrqaqta su şaşyp oinaǧan körınedı. Oiyn barysynda balanyŋ aiaǧy taiyp qūlaǧan.
Beiresmi mälımetterde, subūrqaq ışındegı elektr toǧy qatty soǧyp balanyŋ jüregı toqtap qalǧany aitylady. Marqūmnyŋ janyndaǧy ekı dosy kömek körsetuge tyrysqan. Alaida qaitys
bolǧan adamnyŋ denesı auyr bolǧandyqtan sudan alyp şyǧu oŋaiǧa soqpaǧan.
Oqiǧadan soŋ şamamen 1 saǧatta jedel-järdem men tärtıp saqtau qyzmetkerlerı kelıp jetken. Mäiıttıŋ üstın jauyp, tekserısten ötkızgen soŋ universitet aumaǧynan alyp kettı. Marqūmnyŋ aǧasy da oqiǧa ornyna jetıp, öz közımen kördı.
Köz jūmǧan balanyŋ universitet studentı emestıgı aityldy. Qaiǧyly oqiǧaǧa qatysty qalalyq Polisiia departamentı «Būl faktı boiynşa tergeu bastaldy. Sot-medisinalyq saraptama taǧaiyndaldy», - dep jauap berdı.
Ūqsas jaŋalyqtar
Fariza Nūrbolatqyzy
