Türkıstan oblysy Jetısai audany bılım bölımınıŋ qyzmetkerlerı memlekettık qarajatty asa ırı mölşerde jymqyru faktısı boiynşa küdıkke ılındı, dep habarlaidy «Adyrna» tılşısı.
Tergeu barysynda audandyq bılım bölımınıŋ basşylyǧy men esepşılerı özderınıŋ, sondai-aq tuystary men tanystarynyŋ esep şottaryna belgılengen jalaqydan joǧary aqşa audaru arqyly biudjet qarajatyn jymqyrudyŋ qylmystyq shemasyn jasaǧany anyqtaldy.
«2021-2023 jyldar aralyǧynda memleketke 4 mlrd teŋgeden astam zalal keltırılgen. Oblys prokuraturasynyŋ arnaiy
Audannyŋ būrynǧy jäne qazırgı bılım bölımınıŋ basşylary ūstau izoliatoryna jabylyp, sottyŋ sanksiiasymen qamauǧa alyndy.
Qazırgı uaqytta qylmystyq jolmen alynǧan aqşany jäne özge de mülıktı zaŋdastyrudyŋ barlyq män-jailary men faktısın anyqtauǧa baǧyttalǧan tergeu äreketterı jürgızılude.
