Soltüstık Qazaqstan oblysynyŋ orta mektepterınde oqityn bastauyş synyp oquşylaryn tegın ystyq tamaqpen qamtu mäselesı şeşılıp jatqany habarlandy. Qazırgı uaqytta arnaiy qūjat toltyrylyp, qoǧamnyŋ talqylauyna ūsynyldy, dep habarlaidy "Adyrna" ūlttyq portaly.
«SQO memlekettık orta bılım beru ūiymdarynda bastauyş synyp oquşylaryn tegın ystyq tamaqpen qamtamasyz etu turaly» qauly jobasy Aşyq normativtık qūqyqtyq aktıler portalynda jariialandy. 19 mausym künı jaryqqa şyqqan qūjat 3 şıldege deiın talqylanbaq. Qaulyǧa öŋır basşysy Aidarbek Saparov qol qoiǧan.Mūndai şeşım Qazaqstan zaŋnamasynyŋ aiasynda jäne Qazaqstan Respublikasy Prezidentınıŋ baǧdarlamasyna sai qabyldanǧan.
SQO bılım basqarmasynyŋ mälımetınşe, ötken oqu jylynda öŋırdegı 465 bılım ordasynda 72 myŋnan astam oquşy bolsa, onyŋ 31 180-ı – bastauyş synypta oqydy. Būl mektepterdıŋ 98% - 439-ynda ystyq tamaq ūiymdastyryldy. 2% - 11 mektepte bufet jūmys ıstedı. Qyzyljarda ystyq tamaq 550 teŋge tūrsa, audandarda tüskı as 500 teŋge boldy.
"Adyrna" ūlttyq portaly
Soltüstık Qazaqstan
#bılım_bölımı
Bastauyş synyp
qyzyljar öŋırı
qazaq elı
tegın tamaqtandyru
Qazaqstan zaŋnamasy
