Otan üşın otqa oranǧan... Qazaqstanda Ekınşı düniejüzılık soǧysqa qatysqan 222 ardager qaldy

Qazır Qazaqstanda Ekınşı düniejüzılık soǧysqa qatysyp, eleŋ-alaŋ jyldardy basynan keşırgen 222 coǧys ardagerı ǧūmyr keşıp jatyr. Sonymen qatar, Ekınşı düniejüzılık soǧys saldarynan jaralanǧan jäne jeŋıske üles qosqan 60 mynan astam adam tūrady, dep habarlaidy "Adyrna" ūlttyq portaly.  "Qazaqstan" telearnasynyŋ habarlauynşa, Qazaq topyraǧynan ūrys dalasyna 1 mln 200 myŋnan astam adam şaqyrtylǧan. Qolyna qaru alǧan ärbır ekınşı qazaqstandyq Jeŋıs üşın öz ömırın qidy. Äskeri qyzmetı üşın jüzdegen myŋ qazaqstandyq medaldarmen jäne ordendermen marapattaldy, 500-ge juyq adam Keŋes Odaǧynyŋ Batyry atandy. Onyŋ törteuı būl ataqty ekı märte ielendı. 110 qazaqstandyq üşınşı därejelı Daŋq ordenımen marapattaldy. Soǧysqa şaqyrtylǧandar – 1,2 mln Qaza tapqandar – 600 myŋ Orden, medal alǧandar – 100 myŋ Keŋes odaǧynyŋ batyry atanǧandar – 500 Ekı märte keŋes odaǧynyŋ batyry atanǧandar – 4 III därejelı daŋq ordenımen marapattalǧandar - 110. Soǧys köptegen azamattarymyzdyŋ ömırın qidy.  "Atamnyŋ amanaty" bırlestıgı Ekınşı düniejüzılık soǧys dalalarynda şaiqasqan 271 myŋ qazaqstandyqtyŋ habarsyz ketkenın habarlady. Jalpy alǧanda, soǧys jyldarynda Qazaqstan millionnan asa adamnan aiyryluy mümkın. Al resmi basylymdar Ekınşı düniejüzılık soǧys maidanynda 600 myŋnan asa qazaqstandyqtyŋ qaza tapqanyn habarlaidy. Iаǧni, äskerge şaqyrylǧandardyŋ jartysy soǧystan oralmaǧan. Qaza bolǧandar - Qazaqstan halqynyŋ 11,2 paiyzyna teŋ. Keşe Memleket basşysynyŋ jarlyǧymen Ūly Otan soǧysynyŋ ekı ardagerı Qaimoldin Äbdıǧali men Gapichu İvan Stepanovichke  «Halyq qaharmany» ataǧy berıldı.

"Adyrna" ūlttyq portaly