Ukrainanyŋ Poltava oblysyndaǧy Bilsk qalaşyǧy maŋyndaǧy Skorobir qorymynda arheologtar saq däuırıne jatatyn äiel qabırınen jaqsy saqtalǧan bylǧary bas kiım men qola plastinalarmen bezendırılgen beldıktı tapty, dep habarlaidy "Adyrna" ūlttyq portaly.
ARTS jurnalynyŋ mälımetınşe, būl jädıgerler ormandy-dala saq aqsüiekterınıŋ kiım ülgısın zertteuge tyŋ mümkındık beredı. Arheologtar b.z.d. VI ǧasyrdyŋ soŋǧy şiregıne jatatyn obadan şamamen 30–40 jastaǧy er adam men 18–22 jastaǧy jas äieldıŋ jūp jerlengen ornyn anyqtaǧan. Qabır erterekte tonalǧanyna qaramastan, äieldıŋ janynan sirek kezdesetın organikalyq būiymdar – bylǧary bas kiımnıŋ qaldyqtary men qola äşekeilermen kömkerılgen beldık fragmentterı saqtalyp qalǧan.
Sonymen qatar qazba barysynda qola aina, oiyn süiekterı, qara jyltyr tostaǧan jäne aǧaş ydystyŋ bölşekterı tabylǧan. Mamandar būl zattar äieldıŋ joǧary äleumettık märtebege ie bolǧanyn ärı belgılı bır ǧūryptyq räsımderge qatysqanyn meŋzeuı mümkın ekenın aitady.
Mamandardyŋ aituynşa, ejelgı qorymdardaǧy bylǧary siiaqty organikalyq materialdar sirek saqtalatyndyqtan, būl olja erekşe ǧylymi qūndylyqqa ie. Restavratorlar artefaktılerdı arnaiy ädıster arqyly qalpyna keltırıp, olardyŋ bastapqy pışını men qūrylymyn saqtap qalǧan. Zertteuşıler bas kiımnıŋ tömen ärı silindr pışındı bolǧanyn, köptegen ūsaq qola plastinalarmen äşekeilengenın anyqtady. Osyndai täsılmen bezendırılgen beldık te tabylǧan.
Ǧylymi zertteu avtorlary mūndai sändeu tehnikasy klassikalyq saq mädenietınde būryn kezdespegenın atap öttı. Onyŋ ūqsastyqtary Ortalyq Europanyŋ temır däuırı eskertkışterımen, äsırese qazırgı Horvatiia aumaǧyndaǧy ejelgı mädeni dästürlermen bailanystyrylady.
Sondai-aq DNQ taldauy jerlengen äieldıŋ Ortalyq Europa tūrǧyndarymen genetikalyq tuystyǧy bolǧanyn körsettı.
