Qaraǧandy oblysynyŋ Taldy tarihi-arheologiialyq parkınde Baiqasqa-2 qorymyndaǧy qazba jūmystary aiaqtaldy. Ekspedisiiany «Arheologiialyq zertteuler» JŞS mamandary Qaraǧandy oblysynyŋ tarihi-mädeni mūrany saqtau ortalyǧynyŋ qoldauymen jürgızdı, dep habarlaidy «Adyrna».
Syrt közge qarapaiym töbeşıkke ūqsaǧan qorǧannyŋ astynan arheologtar kürdelı qūrylym aşty. Ol — ırı taqtalarmen jabylǧan massivtı tas jäşık, tas pen balşyqtan tūrǧyzylǧan syrtqy qabat jäne ainaldyra şeŋber qūra ornalasqan quatty tas beldeuler. Mamandardyŋ paiymdauynşa, mūndai qūrylystar ejelgı däuırde joǧary märtebelı adamdarǧa arnalyp salynǧan.
«Bızdıŋ öŋır üşın būl öte sirek kezdesetın eskertkış. Äsırese maŋdai tūsynan tesılgen bas süiek synyǧy erekşe nazar audartty. Mūndai tabylym Ortalyq Qazaqstan aumaǧynda öte sirek ūşyrasady. Būl ǧūryptyq räsımnıŋ belgısı nemese jerlengen adamnyŋ airyqşa äleumettık märtebesın bıldıruı mümkın», – dedı «Arheologiialyq zertteuler» JŞS qyzmetkerı Anvar Karimov.
Mausymdaǧy negızgı tabylymdardyŋ qatarynda adam süiekterı, januarlardyŋ qaldyqtary, qola men müiızden jasalǧan jebe ūştary, sondai-aq örnektı keramika bar.
Sonymen bırge, qorǧannyŋ batys bölıgınen keiıngı kezeŋge jatatyn 11 jerleu orny anyqtaldy. Būl aimaqtyŋ ejelden-aq qasiettı meken sanalǧanyn aiǧaqtaidy.
Ekspedisiia Saryarqanyŋ saiyn dalasy älı talai qūpiiany saqtap jatqanyn taǧy bır märtk däleldedı. Ärbır jaŋa tabylym köne köşpendılerdıŋ mädenietı men dästürın tereŋırek tanuǧa jol aşady.
