Jaŋa oqu jylynan bastap Şahtinsk qalasynyŋ oquşylary kartingpen ainalysyp, VR-tehnologiialardy meŋgeru mümkındıgıne ie bolady. Sondai-aq sūranysqa ie basqa da baǧyttar boiynşa üiırmeler aşylady.
№2 Oquşylar saraiynda ūiymdastyrylatyn būl sabaqtar balalardyŋ tanym kökjiegın keŋeitıp qana qoimai, erte jastan injenerlık oilau qabıletı men käsıbi daǧdylaryn damytuǧa yqpal etedı.
Avtokarting üiırmesı Jūmysşy mamandyqtar jyly aiasynda jüzege asyrylyp jatqan «Tarlan» jobasynyŋ qūramyna enedı. Mūnda balalar kart jürgızudı üirenıp, tehnikalyq saladaǧy alǧaşqy täjıribesın jinaqtaidy.
– Avtokartodromdy daiyndau jūmystary şamamen üş aiǧa sozyldy. Jaz boiy Saraidyŋ artyndaǧy alaŋ abattandyrylyp, ǧimarattyŋ qasbetı men garajdar jöndeldı, jaŋa asfalt töseldı, – dedı Oquşylar saraiynyŋ direktory İrina Şmik.
Qajettı infraqūrylym tolyq daiyn: 10 kart pen barlyq kerek-jaraq satyp alyndy, segız garajdan tūratyn baza jabdyqtaldy. Qazır üiırmede sabaq beretın, oquşylardy jürgızu maşyǧyna jäne jol qozǧalysy erejelerınıŋ negızderıne üiretetın pedagogtardy qabyldau jürıp jatyr.
Sabaqtar ekı jas sanaty boiynşa ötedı — 10–12 jäne 12–17 jas. Baǧdarlamada kart jürgızu daǧdylarynan bölek, tehnika qūrylymyn tanyp-bılu, dinamika zaŋdylyqtaryn meŋgeru jäne jol qozǧalysy erejelerın oqu qarastyrylǧan. Üiırmege qabyldau 15 qyrküiekten bastalady.
Karting Şahtinsk qalasynda ärdaiym sūranysqa ie sport türı bolyp keldı. Būl baǧytta 20 jyldan astam täjıribe jinaqtalyp, damuyna qajettı baza qalyptasqan.
Bügınde Oquşylar saraiynda 4 jastan 18 jasqa deiıngı ekı myŋnan astam bala qatysatyn 11 baǧyt boiynşa 147 üiırme jūmys ısteidı. 2025 jyly «Qazaqstan halqyna» qory men Bılım berudı tūraqty damytu qorynyŋ qoldauymen injenerlık-tehnikalyq baǧyttaǧy üiırmelerdıŋ (robototehnika, avtokäsıp jäne t. b.) materialdyq-tehnikalyq bazasy edäuır jaŋartylyp, zamanaui STEM-jabdyqtar satyp alyndy. Biylǧy oqu jylynda VR-tehnologiialar jäne telestudiia syndy jaŋa baǧyttar ıske qosylady.
