Bır aidan berı Arys qalasyn qalpyna keltıru baǧytyndaǧy jūmystar atqarylyp jatyr. Qūrylyspen jäne tūrǧyndarǧa äleumettık qoldau körsetumen bırge qalanyŋ jylu, su, elektr syndy maŋyzdy mäselelerı boiynşa da bırqatar ıster qolǧa alynǧan. Tötenşe jaǧdaidan keiın eŋ aldymen äkımdık tarapynan su jäne elektr jüielerın qalypty jūmys rejimıne köşırıldı.
Türkıstan oblysy äkımınıŋ baspasöz qyzmetıne sılteme jasap. Jarylys kezınde magistraldy su qūbyrlarynda 4 avariialyq jaǧdai tuyndap, ol qalpyna keltırıldı. Jalpy 30 şaqyrymdy qūraityn magistraldy su qūbyrynyŋ zaqymdalǧan 7 şaqyrymyn jöndeu maqsatynda jobalyq-smetalyq qūjatqa qarjy qarastyrylyp, jūmystar bastaldy. Qaladaǧy kärız jüiesı de rettelıp, aqaulardyŋ 80 paiyzy qalpyna keldı. Bır su sorǧy qondyrǧysy auystyryldy. Tötenşe jaǧdai bolǧan künnen bastap zaqym kelgen 10 elektr jelısıne jöndeu jūmystary jürgızılıp, tolyǧymen qalpyna keltırılgen. Arysta 4 jylu qazandyǧy bar. 30 köpqabatty tūrǧyn üi men 11 äleumettık nysandy jylytatyn jylu jüielerınıŋ ūzyndyǧy - 13 şaqyrym. Tötenşe jaǧdai kezınde 2 snariad jarylyp, jylu qazandyǧy ǧimaraty zaqymdalǧan. Aqau aktısı men jobalyq smetasy daiyndalyp, jöndeu jūmystary bastalyp kettı. Ǧimarattyŋ esık-terezelerı auystyrylyp, qabyrǧalary jöndeldı. Jalpy Arystaǧy infraqūrylym da tolyq zerttelıp, jöndeu jäne jaŋartu jūmystary jalǧasady degen jospar bar.
"Adyrna" ūlttyq portaly
