«Jıbek joly elderınıŋ äielderı: mädenietter men örkenietter dialogy»

1671
Adyrna.kz Telegram
https://adyrna.kz/content/uploads/2024/06/86252c6e-1341-4f3a-8986-90b94a2035a4.jpeg

20 mausym künı Bışkek qalasynda Jıbek joly memleketterınıŋ önerlı äielder qauymyn jinaǧan alqaly jiyn öttı. Halyqaralyq forumda Qytai, Qyrǧyzstan, Äzırbaijan, Özbekstan jäne Qazaqstannan kelgen ökılder bas qosty. Suretşılerdıŋ, dizainerlerdıŋ jäne qolönerşı qyz-kelınşekterdı bır şaŋyraq astyna toptastyrǧan ıs-şara Bışkek Ūlttyq tarih mūrajaiynda öttı.

Forumdy Qytaidyŋ Şensi äielder federasiiasy men Jıbek joly elderınıŋ dizainerler odaǧy, Qyrǧyz Respublikasynyŋ Bılım jäne ǧylym ministrlıgı, Ūlttyq tarih mūrajaiy jäne «Qūraq äielder forumy» qoǧamdyq ūiymy  bırlıkte ūiymdastyrdy.

Atalǧan forumǧa Qazaqstan atynan QR Suretşıler odaǧynyŋ müşesı, Qazaqstannyŋ eŋbek sıŋırgen öner qairatkerı Säule Syzdyqqyzy Bapanova qatysyp, joldasy Älıbai Bapanov ekeuınıŋ tuyndylaryn körmege qoidy. Ärbır körmede bıregei ūlttyq naqyştar men önerdıŋ zamanaui interpretasiialary körsetıldı. Sonymen qatar, Ūly Jıbek joly elderı Dizainerler odaǧynyŋ sän körsetılımı ūiymdastyryldy. Onda mädeni dästürler men zamanaui trendterden şabyttanǧan toptamalar körsetıldı.

«Forumǧa Qazaqstan atynan menı şaqyrǧan eken. Ekı-üş ai boiy kelıssöz jürgızıp, tuǧan eldıŋ atynan bızdı taŋdaǧanyn jetkızdı. Būl ärine, men üşın biık märtebe ärı zor jauapkerşılık boldy. Is-şaraǧa önerı arqyly ūlttyq mädeniettı damytyp jürgen bes

eldıŋ myqty äielderı jinaldy.  Öte ısker, önerlı, jalyndaǧan ökılder bas qosty dei alamyn. Ūiymnyŋ aldaǧy maqsattary keremet. İdeia avtory, BŪŪ şyǧarmaşylyq rezervınıŋ müşesı, jıbek boiynşa suretşı Fan Iаnianmen jaqyn söilesıp, sūhbat qūrdyq. Menıŋ aparǧan jūmystarym Qytai delegasiiasyna öte ūnap, joǧary baǧasyn berdı. Osy jyldyŋ qazan aiynda Sianda ötetın körmege qūrmettep şaqyrdy. Zamanǧa sai ūlttyq önerımızdı älem elderı aldynda abyroimen därıptep kelgenıme quanyştymyn», dedı Qazaqstan suretşısı Säule Bapanova.

Bışkekte ötken ıs-şara Jıbek joly elderı arasyndaǧy mädeni almasu men yntymaqtastyqty nyǧaitudyŋ tamaşa alaŋyna ainaldy. Jinalǧan köpşılık Jıbek joly elderınıŋ özara öner yntymaqtastyǧynyŋ bastamasy bolatyn memorandumǧa qol qoiylǧanyna kuä boldy. Bışkek universitetınıŋ janynan Jıbek joly elderınıŋ önerıne arnalǧan zerthana aşyldy. Sonymen qatar Jıbek joly dizainerler odaǧyn qūryp, onyŋ prezidentı bolyp Qyrǧyz elınıŋ ökılı Dilbar Aşimbaeva sailandy. Rasynda da, mädeniet jürekterdı jaqyndastyrady, al öner älemdı bırıktıredı. Ūlttyq öner bıregeilıktı aişyqtap, örkenietter dialogyna sebepker bolatyn zor äleuetke ie ekenın osy forum taǧy bır ret däleldei aldy.

Pıkırler