Ükımet su tasqynynan bülıngen üilerdı jöndeu üşın qanşa qarajat kerektıgın aitty, dep habarlaidy "Adyrna" ūlttyq portaly.
Ükımet esebınşe, infraqūrylymdy qalpyna keltıruge 48,7 mlrd teŋge qajet. Premer-ministrdıŋ orynbasary Qanat Bozymbaev su tasqynynan bülıngen üilerdı jöndeu üşın 257 mlrd teŋge kerektıgın aitty.
«Şamamen 67 myŋ adam öz üiıne oraldy, evakuasiialyq punktterdegı 3664 tūrǧynǧa qajet barlyq kömek körsetılıp jatyr. Su tasqyny bastalǧaly barlyǧy 12 myŋ 86 tūrǧyn üi men 7 380 saiajai (jalǧyz baspana) su astynda qaldy. Jalpy zardap şekken öŋırlerde 18 228 tūrǧyn üi zerttelıp (94%), 15 651 nysan boiynşa baǧalau aiaqtaldy (81%)», - dedı Qanat Bozymbaev.Vise-premer su tasqynynan keiın 9 306 baspana qalpyna keltıruge bolatyn, al 8 190 baspana qaita jöndeuge kelmeitın sanatqa jatqyzylǧanyn aitady.
"Olar boiynşa qaitalama naryqtan 5 714 baspana satyp alu jäne 2 506 tiptık jobada baspana qūrylystary josparlanǧan. Jalpy tūrǧyn üidı qalpyna keltıruge şamamen 257 mlrd teŋge kerek", - dedı Qanat Bozymbaev.Ükımet baspanany jöndeuge jäne qalpyna keltıru üşın 6
Ūqsas jaŋalyqtar
"Baǧalau aiaqtalǧannan keiın zardap şekken tūrǧyndarǧa 150 AEK (553 800 teŋge) mölşerınde joǧalǧan qajet zattardy satyp alu üşın qosymşa ötemaqy tölenude. 7,6 mlrd teŋge kölemınde 15 355 otbasy ötemaqy aldy. Mal şyǧyny üşın memlekettık kömek kölemı 2,8 mlrd teŋgeden asty", - dedı Qanat Bozymbaev.Sonymen qatar bizneske kelgen zalaldy öteu boiynşa jūmys bastalǧan. Bülıngen infraqūrylymdy qalpyna keltıruge qomaqty qarajat kerek.
«Aldyn ala baǧalau boiynşa, äkımdıkterdıŋ ötınımderıne säikes infraqūrylymdy qalpyna keltıru üşın Ükımet rezervınen 48,7 mlrd teŋge qajet. Būl qarajat avtomobil joldaryn, elektrmen jabdyqtau jelılerın qalpyna keltıruge jäne äleumettık nysandardy jöndeuge baǧyttalady. Bügınde 39,8 mlrd teŋgege jobalar daiyndalyp, qūjattamanyŋ Qarjy ministrlıgıne ūsynyldy», - dedı Qanat Bozymbaev.
