Aqtóbe oblysynda sý tasqynynan zardap shekkenderdiń materıaldyq shyǵynyn esepteıtin komıssııa quryldy. Bul týraly oblys ákimi Ashat Shaharov málimdedi, dep habarlaıdy “Adyrna” ulttyq portaly.
Oblys basshysy tabıǵattyń tilsiz apattaryna eshkim tosqaýyl bola almaıtynyn, jaýyn-shashyn jaǵdaıdy qıyndatyp jibergenin aıtqan.
"Qazirgi ýaqytta aımaqta sý shaıǵan joldar, kópirler men ótkelder, sý basqan úıler men aýlalar bar. Keshe aýdandarǵa baryp keldim, búgin qalany aıaqtaı júrip qarap shyqtym. Materıaldyq shyǵyndy qurylǵan komıssııa anyqtaıtyn bolady. Turǵyndarymyzǵa sabyrlyqtary úshin alǵysymdy bildiremin. Eshbir adam nazardan tys qalmaıdy",- dep atap ótti óńir basshysy.
Qazirgi ýaqytta qala jáne 12 aýdannyń ákimderi, tótenshe jaǵdaılar departamentiniń qyzmetkerleri, áskerı qurylymdar, polıeıler kúndiz de, túnde de jumyla jumys istep jatyr, kúsheıtilgen tártipke kóshirilgen.
Ashat Shaharov aqtóbelikterdi sabyrlyqqa shaqyryp, bir-birine qoldaý kórsetýge shaqyrdy.
