15 jeltoqsan kúni saǵat 20:00-de Aqtóbe oblysy, Alǵa aýdanynda uıymdasqan qylmystyq toptyń múshesi, destrýktıvti dinı aǵymdy ustanýshy azamat quryqtaldy. Tekseris barysynda onyń úıinen qarý-jaraq pen dinı kitaptar tabyldy, dep habarlaıdy "Adyrna" ulttyq portaly "Zakon.kz"-ke cilteme keltirip.
Arnaıy tekseris júrgizgen tergeýshiler onyń úıin tintip, Makarov tapanshasy, 12-kalıbrli Mossberg ańshy myltyǵy, 38 dana 9-kalıbrli patron, 19 dana 12-kalıbrli patron, bir báki, 18 dana dinı kitap tapty. Tabylǵan aıǵaqtardyń bári tárkilengenin málimdedi. Buǵan qatysty:
"Fakti Sotqa deıingi tergep-tekserýdiń biryńǵaı tizilimine QR Qylmystyq kodeksiniń 287-babynyń 3-bóligi negizinde tirkeldi", – delingen habarlamada.
Qazir Aqtóbe qalasynyń turǵyny ýaqytsha ustaý ızolıatoryna toǵytylyp, qamaýda otyr.
"Adyrna" ulttyq portaly
