Qyrǧyzstandaǧy joiqyn sel. 5 adam qaza tauyp, ondaǧan aulalardy su basty

Qyrǧyzstannyŋ Oş oblysynyŋ Nookat audanynda sel jürıp, bes adam qaza tapty, - dep habarlaidy “Adyrna” ūlttyq portaly 24.kg saityna sılteme jasap. Būl turaly Tötenşe jaǧdailar ministrlıgı, Daǧdarysty basqaru ortalyǧy basşysynyŋ orynbasary Baizaq Otorbekov rastady dep tüsındırıldı. «Jergılıktı tūrǧyndardyŋ aituyna sılteme jasaǧan ol, Äbşyr-Ata audanynda özen jaǧasynda demalyp jatqan 6 adamdy sel şaiyp ketkenın, keiın jergılıktı tūrǧyndar bes adamnyŋ mäiıtın tauyp alǧanyn aitty», - delıngen materialda. Qazır Tötenşe jaǧdailar ministrlıgınıŋ qyzmetkerlerı sel saldaryn joiu, qaza bolǧandar men zardap şekkenderdıŋ jeke basyn anyqtau jūmystaryn jürgızude. Keşe, jūma künı tüs aua Nookat audanynda joiqyn sel boldy. Tolassyz jauǧan jaŋbyrdyŋ saldarynan sel on aulany basyp, Äbşyr-Ata auylyndaǧy ekı köpırdı zaqymdady. Teskei-Qojoq auylynda 15 şaruaşylyq pen jergılıktı mektep zardap şektı. Qara-Būlaq auylynda lai aǧyndary kölık pen köpırdı būzyp ketken. Täjı-Qyştaq auylynda sel jetı aula men bırneşe saraidy basyp qaldy. Oş-Razzaqov tas jolyndaǧy köpır zaqymdanǧan.