Mäjılıs deputattary, «AMANAT» partiiasy fraksiiasynyŋ müşelerı Ūlyqbek Tūmaşinov pen Erlan Sairov p şekaralyq Şemonaiha audanynyŋ tūrǧyndarymen kezdestı. Onda öŋırdegı infraqūrylymdy damytu mäselelerı köterıldı.
Atap aitqanda, tūrǧyndardy «Şemonaiha – Öskemen» tas jolyn jöndeu mäselesı, Übı özenı arqyly ötetın avtomobil köpırın jöndeu, internet bailanysynyŋ sapasy jäne basqa da mäseleler tolǧandyruda.
– Bızdıŋ qalamyz kışkentai, mūnda şamamen 20 myŋ adam tūrady. Bıraq bız de kez kelgen basqa qala siiaqty sapaly medisinalyq qyzmetke mūqtajbyz. Bızdıŋ audandyq auruhananyŋ ǧimaraty 1968 jyly salynǧan. Al soŋǧy kürdelı jöndeu jūmystary 10 jylǧa juyq uaqyt būryn jürgızılgen. Işıne kıruge qorqasyŋ. Qazır därıgerlerge köterme järdemaqy tölenetını belgılı boldy, sondyqtan bızde de bılıktı därıgerler sany artady dep ümıttenemı, – dedı jergılıktı tūrǧyn Valentin Alifanov.
Deputat Erlan Sairov Densaulyq saqtau mäselelerı boiynşa zaŋnamalyq tüzetulerge säikes auylǧa kelgen medisina qyzmetkerlerı 100 ETJ mölşerınde bırjolǧy tölem alatynyn atap öttı (būl 2024 jylǧy esepteu boiynşa 8,5 mln teŋge). Sondai-aq balabaqşalarǧa qabyldau kezınde medisina qyzmetkerlerınıŋ balalary üşın basymdylyq qarastyrylǧan, därıgerlerge qatysty qūqyqtyq qorǧau küşeitılgen jäne taǧy basqalar bar. Būl jūmys «AMANAT» partiiasynyŋ sailaualdy baǧdarlamasyn ıske asyru aiasynda jürgızıledı jäne jergılıktı jerlerde medisinalyq kadrlardyŋ tapşylyǧyn jüielı türde şeşuge mümkındık beredı.
Mäjılısmenderdıŋ aituynşa, mūndai kezdesuler öte maŋyzdy. Sebebı, osyndai jüzdesuler barysynda halyq qalaulylary Prezident tapsyrmalary men sailaualdy baǧdarlamasynyŋ oryndalu barysyn qadaǧalap qana qoimai, tūrǧyndardy tolǧandyrǧan mäselelerge qūlaq türıp, jergılıktı bilıktıŋ sol problemalardy şeşuıne yqpal etedı.
– Memleket basşysy Qasym-Jomart Toqaev auyldyq aumaqtardy jäne şekaralyq audandardy damytuǧa erekşe nazar audarady. Basty maqsat – halyqtyŋ köşuın azaitu, adamdardyŋ ömır süruıne qolaily jaǧdai jasau, şekaralyq audandardyŋ ekonomikalyq damuyna jaŋa serpın beru. Būl – «AMANAT» partiiasynyŋ sailaualdy baǧdarlamasynyŋ maŋyzdy baǧyty. Barlyq köterılgen mäselelerdı erekşe baqylauǧa alamyz. Atap aitqanda, biyl Şemonaiha men Öskemen arasyndaǧy sapaly zamanaui joldyŋ qūrylysyna tender ötkızıledı, – dedı Erlan Sairov.
Sonymen qatar halyq qalaulylary Şemonaiha qalasyndaǧy mektep qūrylysynyŋ barysymen tanysty. Oqu orny 300 orynǧa eseptelgen, ony osy jyldyŋ soŋyna deiın paidalanuǧa beru josparlanuda. Nysan «Jaily mektep» ūlttyq jobasy aiasynda salynyp jatyr.
– Sapaly bılım elımızdıŋ ärbır balasyna, ol ülken qalada nemese auylda tūrsa da, qoljetımdı boluy tiıs. Aimaqtyq teŋsızdıkter bırtındep joiyluda. Sondyqtan deputattar «Jaily mektep» jobasynyŋ jüzege asyryluyn baqylaidy. Bügın kezdesuler Şemonaiha qalasynda bastaldy, ärı qarai basqa audandarda da jalǧasady», – deidı mäjılıs deputaty Ūlyqbek Tūmaşinov.
Aita ketu kerek, deputattar Qazaqstan Respublikasy men Resei Federasiiasynyŋ şekarasyndaǧy şekara baqylau-ötkızu punktınıŋ jūmysymen de tanysty. Halyq qalaulylary qoldanystaǧy jabdyqtardy jaŋartu, äskeri qyzmetşılerdı qamtamasyz etudı jaqsartu jäne ötkızu punktterın jaŋǧyrtu mäselelerın baqylauǧa aldy.
