Qazaqstandyq tanymal änşı Qairat Nūrtas būzaqylyq baby boiynşa qozǧalǧan qylmystyq ıs boiynşa aiyptaluşy bolyp, 5 jylǧa bas bostandyǧynan aiyryluy mümkın. Būl turaly jurnalist Mihail Kozachkov özınıŋ telegram-arnasynda jazdy, dep habarlaidy “Adyrna” ūlttyq portaly..
«Tanymal änşı Almatydan Astanaǧa ūşqan ūşaq bortynda janjal şyǧaryp, saldarynan jolauşy Asylbek Bekqaiyrov zardap şektı. Ūşaq komandirı polisiia şaqyryp, töbeleske qatysqan ekı azamat te polisiia bölımşesıne jetkızıldı. Nūrtasqa qasaqana jeŋıl ziian keltıru jäne bırneşe ret ūsaq būzaqylyq jasaǧany üşın hattama toltyryldy» delıngen habarlamada.
Jurnalisttıŋ aituynşa, änşıge qatysty qatal jaza qoldanyluy mümkın.
«Nūrtasqa qatysty Qylmystyq kodekstıŋ 293-babynyŋ 2-bölıgı - «Äue kemesınıŋ bortynda jasalǧan būzaqylyq» boiynşa sotqa deiıngı tergeu bastaldy. Baptyŋ sanksiiasynda aiyppūl, qoǧamdyq jūmystarǧa tartu, bas bostandyǧyn şekteu nemese 5 jylǧa deiın bas bostandyǧynan aiyru qarastyrylǧan» delıngen habarlamada.
Qairat Nūrtas tünde Şymkentte ūstaldy. Kölıktegı polisiia departamentı änşıge qatysty «Almaty-Astana» reisınıŋ bortynda ūsaq būzaqylyq jasap, qasaqana densaulyqqa jeŋıl ziian keltırgenı üşın äkımşılık ıs qozǧalǧanyn habarlady. Materialdar qarau üşın sotqa jıberıldı.
Aita keteiık, būǧan deiın äzılkeş Tūrsynbek Qabatovtyŋ da qamalǧanyn habarladyq.
Ūqsas jaŋalyqtar
