«Ūlttyq audarma biurosynyŋ» negızın qalauşy ärı jetekşısı Rauan Kenjehanūly eŋbekterınıŋ aqysy ötelmegenın aityp, sotqa jügınuge mäjbür bolǧanyn jariia ettı dep habarlaidy «Adyrna» ūlttyq portaly avtordyŋ Facebook äleumettık jelıdegı jazbasyna sılteme jasap.
«Qūrmettı qauym! «Jaŋa gumanitarlyq bılım. Qazaq tılındegı 100 jaŋa oqulyq» jobasy mazmūndyq jaǧynan aiaqtaldy. Älemnıŋ eŋ jaqsy degen 100 oqulyǧy qazaq tılıne audaryldy, ärqaisysy 10 myŋ danamen basylyp, elımızdıŋ barlyq joǧary oqu oryndaryna jetkızıldı. Oqulyqtardyŋ elektrondy nūsqalaryn OpenU.kz portalynan erkın oquǧa bolady. Olardyŋ negızınde daiyndalǧan 200 video kurs ta atalǧan portalda aşyq tūr.
Būl jūmystyŋ qandai jauapkerşılıkpen, nendei talappen, qandai zor eŋbek arqasynda oryndalǧanyn jobaǧa qatysqan jüzdegen ärıptesımız jaqsy bıledı.
«Ūlttyq audarma biurosy» osy jūmysqa jauapty ūiym retınde memleket aldyndaǧy mındetın tolyq oryndady. Audarma men baspa sapasyna, kıtaptardy jetkızu merzımıne qatysty bızge qoiar kınä joq.
Būl — ortaq jūmystyŋ nätijesı, osy jobaǧa atsalysqan audarmaşylar, ǧalymdar men redaktor mamandar, korrektorlar men betteuşılerdıŋ, bızben bırge eŋbek etken baspahanalar men studiia mamandarynyŋ qajyrly eŋbegınıŋ jemısı. Ol üşın barlyq ärıptesterımızge alǧys aitamyz, rizaşylyq bıldıremız.
Alaida, aradaǧy şarttyŋ talaptaryna säikes tolyq oryndalyp, tapsyrylǧan jūmysty Bılım jäne ǧylym ministrlıgı qabyldap almady. Jūmystyŋ aqysy tölenbedı. Osyǧan orai, «Ūlttyq audarma biurosy» şartta körsetılgen zaŋdy talaptaryn alǧa tartyp, sotqa jügındı.
«Ūlttyq audarma biurosy» ondaǧan şeteldık avtor men qūqyq ielenuşı baspalar, bırneşe ırı baspahana jäne bärınen būryn jüzdegen audarmaşy men redaktorlarǧa qarajat bereşek. Alǧaşqy kezekte jūmysqa atsalysqan mamandar aldyndaǧy qaryz tölenedı. Onyŋ negızgı bölıgı öteldı. Elımızdegı zaŋnyŋ bilıgı, sottyŋ adaldyǧy ras bolsa, sözımız rastalyp, eŋbegımız öteluı tiıs. Oǧan kämıl senemız.
Bükıl qoǧam köz tıkken ülken jūmys o bastan köpşılıktıŋ nazarynda. Qazır de äleumettık jelıde türlı talqy jürıp jatyr. Şyn mänınde anyq-qanyǧyn bılgısı keletın adamǧa ūǧynyqty jauaptar äldeqaşan berıldı. Jūmystyŋ esep-qisaby talai ret qaralyp, tekserıldı. Tärtıp pen zaŋnyŋ būzylmaǧany däleldengen. Būl joly da solai bolatynyna senımdımız. Sondyqtan sabyr saqtap, aq-qarasyn ajyratudy sotqa tapsyrdyq.
Osyǧan orai, «Ūlttyq audarma biurosy» äzırge şyǧarmaşylyq jūmysyn toqtatyp, qyzmetkerlerın qysqartuǧa mäjbür. Şyǧarmaşylyq ūjymǧa, eldık jobaǧa janaşyr barşa qauymǧa rahmet aitamyz!» — dep jazdy qoǧam qairatkerı Facebook paraqşasynda jazdy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz