Almatyda soŋǧy jarty jyl ışınde 40 myŋǧa juyq jūmys beruşı şamamen 150 myŋ qyzmetkerdıŋ ailyq aqysyn üşten bırge ösırdı, al eŋbek jolyn endı bastaǧan medisina qyzmetkerlerı üi satyp alu kezınde bastapqy jarnany töleu üşın tūrǧyn üi sertifikattaryn alyp jatyr, - dep habarlaidy Tengrinews.kz tılşısı
Almaty aumaqtyq käsıpodaqtar bırlestıgıne sılteme jasap. Sonymen qatar, 500 almatylyq sot jäne qūqyq qorǧau organdarynyŋ aralasuynsyz "Tatulasu ortalyǧy" qyzmetıne jügıne otyryp, öz daularyn şeştı. Almaty aumaqtyq käsıpodaqtar bırlestıgınıŋ töraǧasy Zäureş Ömırbaevanyŋ, "Qazaqstandyq "YNTYMAQ" orta jäne şaǧyn biznes qyzmetkerlerınıŋ salalyq käsıbi odaǧy" RQB Almaty q. boiynşa filialynyŋ töraǧasy Ashat Asylbekovtıŋ, "Almaty qalalyq jergılıktı "Ūstaz" käsıbi odaǧy" QB töraǧasy Serıkjan Baiqūtdinovtıŋ, "Energiia" jergılıktı käsıpodaǧy" QBD töraǧasy Valerii Sitdikovtıŋ jäne "Senım" densaulyq saqtau jüiesı qyzmetkerlerınıŋ käsıptık odaǧynyŋ Almaty qalalyq filialynyŋ töraǧasy Almas Nesıpqalievtıŋ qatysuymen ötken baspasöz konferensiiasynda Almaty qalasy Käsıpodaq ortalyǧy jarty jyldyq jūmysyn qorytyndylady. Käsıpodaq jūmysyn qorytyndylau kele, Ömırbaeva qyzmetkerlerdıŋ jūmys jaǧdaiyn jaqsartu boiynşa jūmystar keşendı türde jürgızılıp jatqandyǧyn atap öttı. "Bügınde Almaty qalasy Käsıpodaqtar ortalyǧy 200 myŋnan asa almatylyq käsıpodaq müşelerdıŋ basyn qosqan ırı qoǧamdyq ūiymdardyŋ bırı bolyp sanalady. Eŋbek etuşılerdıŋ qūqyǧyn qorǧap, tuyndaǧan daulardy şeşuge atsalysyp, 750 bastapqy käsıpodaq ūiymy jūmys beruşıler men qyzmetkerlerdıŋ arasynda köpır bolyp jür. Qyzmetkerlerdıŋ qajettılıkterın eskere otyryp, olardyŋ müddesın qorǧauǧa tyrysyp kelemız", - dedı ol. Onyŋ aituynşa, Käsıpodaqtar ortalyǧy jalaqynyŋ ösuı, ūjymdyq kelısım şart jasasu, bastapqy käsıpodaq ūiymdaryn qūru, eŋbek qauıpsızdıgı, äleumettık serıktestık jäne t.b. mäselelerge basa nazar audardy. Atap ötken aspektılerge tolyǧyraq toqtalyp öttı. Ūjymdyq kelısım şartqa jasasudyŋ arqasynda jūmysşylar jeŋıldıkter men kepıldemelerge ie bolady. Qūjatqa säikes qyzmetkerler eŋbek qūqyǧyn qorǧau, jalaqy, emdelu jäne demalu boiynşa äleumettık kepıldıkke ie bolady. Jyl basynan berı 25 myŋnan asa ūjymdyq kelısım jasaldy. Sonymen qatar ol räsımdelmegen eŋbek qatynasyn boldyrmau maqsatynda käsıpodaq "Eŋbek şartyn jasaŋsyz" respublikalyq aksiiasyna qatysqandyǧyn mälımdedı. Baǧdarlamany jüzege asyru üşın "şūǧyl jelı", "senım telefony" aşylyp, halyq köp jinalatyn oryndardy "Senım jäşıkterı" ornatyldy. 1-jartyjyldyq ışınde meminspektorlar 8 mekemenı tekserıp, eŋbek şartynsyz jūmys jasap jürgen qyzmetkerlerdı anyqtady. Nätijesınde 149 eŋbek kelısım şarty jasaldy. Sondai-aq, baspasöz konferensiiasynda mekemelerde bastapqy ūiymdardy aşudyŋ maŋyzdy ekendıgı atap ötıldı. Öitkenı olar qyzmetkerlerdıŋ mäselelerı şeşumen ainalysady. Osylaişa 2019 jyldyŋ 1-jartyjyldyǧynda 10 bastapqy käsıpodaq ūiymy qūrylyp, 4,1 myŋ adam müşelıkke tartylǧan. "Käsıpodaqqa müşe bola otyryp jūmysşy, eŋ aldymen, äleumettık-ekonomikalyq jeŋıldıkterge ie bolady. Mūnda tegın zaŋ qyzmetı, kepıldıkter men kompensasiialar, bılıktılıgın arttyru men jalaqysy joǧary özge lauazymǧa auysu mümkındıgıne ie bolady. Odan bölek jūmystan şyǧarylǧan nemese özge de ädıletsız jaǧdailarda käsıpodaq jūmysşyny qorǧauǧa daiyn. Ömırlık qiyn jaǧdailarǧa tap bolǧandarǧa materialdyq kömek, sanatrii-kurorttyq em qabyldauǧa jeŋıldıkpen joldama aluǧa kömek körsetedı", - dedı Almaty aumaqtyq käsıpodaqtar bırlestıgınıŋ töraǧasy. Sonymen qatar ol käsıpodaqqa müşe bolmaǧan jaǧdaida, jūmysşy jūmys beruşımen arada tuyndaǧan mäselelerdı özı şeşuge tiıs ekendıgın atap öttı. "Käsıpodaq ūiymymen serıktes bola otyryp, jūmys beruşı zaŋǧa säikes qūrylyp, tolyq jauapkerşılıkke ie äleumettık serıkteske ie bolady. Osylaişa qyzmetker men jūmys beruşı arasyndaǧy qatynas ekı jaqqa da oŋ nätije körsete alady", – dep qorytyndylady Ömırzaqova.
"Adyrna" ūlttyq portaly
