Boksşy Baqtiiar Artaev Qazaqstan boks federasiiasynyŋ vise-prezidentı jäne memlekettık bapker qyzmetınen nege kettı? Būl turaly ol "Uaqyt körsetedı" YouTube-arnasynda aityp berdı, dep habarlaidy “Adyrna” ūlttyq portaly.
Sūhbat barysynda sportşy özınıŋ qyzmetınen ketuınıŋ bırneşe sebebın atady.
Bırınşısı – sol kezdegı Mädeniet jäne sport ministrı Aqtoty Raiymqūlovanyŋ ornyn basady dep qoryqqandar bolǧan körınedı. Al, ekınşı sebebı – boksşynyŋ "Qaŋtar" oqiǧasyna qatysy bar degen küdıkpen ūstalǧan "Dikii Armandy" qoldap jazba jazuy.
“Kım kımmen aralaspai jatyr? Taza aqymaqtyq. Aşyǧyn aitaiyq, tüngı saǧat ekıde kalian şegıp otyryp, sol kezdegı Sport komitetınıŋ basşysy habarlasty. "Dikii Armanmen" aralasady ekensıŋ, jūmysty bosatuyŋ kerek" dep aitty. Ailyǧym 180 myŋ teŋge boldy. Şetelde men siiaqty mamandy 10 myŋ dollar tölep şaqyrar edı. "Tokiodan jylap keldıŋder. Ūlttyq Olimpiada komitetı men ministrlık kınänı bır-bırıne jauyp sıltedıŋder. Altyn joq. Araǧa 2 sai kelıp, Serbiiadaǧy älem bırınşılıgınen ekı altyn alyp berdım. Sonda 180 myŋ tölep, osynyŋ özın artyq körıp kettıŋder me?" dedım. Meilı dep, trubkany qoiyp, aryzymdy jazyp berdım”, - deidı Baqtiiar Artaev.
Boksşyǧa habarlasqan – sol kezdegı Sport jäne dene şynyqtyru ısterı komitetın basqarǧan Samat Erǧaliev. Ol qazır biudjet qarjysyn jymqyrdy degen küdıkpen uaqytşa ūstau izoliatorynda jatyr.
“Alla şeber. Özı mäŋgı sol jerde otyratyndai oilady. Endı qazır özı qaida otyrǧanyn bılesızder”, - deidı sportşy.
Eske salsaq, Baqtiiar Artaev 2022 jyly aqpanda Boks federasiiasynyŋ vise-prezidentı qyzmetınen ketken bolatyn.
2022 jylǧy aqpanda Baqtiiar Artaev "Dikii Arman" retınde tanymal qylmys älemınıŋ serkesı Arman Jūmageldievke arnap post jazdy. Ol "bauyry üşın jüregı auyratynyn" aityp, bosatudy sūraǧan edı.
Arman Jūmageldiev "Qaŋtar oqiǧasyna" qatysty ekı jarym jyldan berı tergeu izoliatorynda jatyr.
Ūqsas jaŋalyqtar
