Astana maŋynda maldyŋ terılerı men ışek-qarny şaşylyp jatyr. Būl turalia Qazaqstannyŋ organikalyq önım öndıruşıler odaǧynyŋ direktory Ärsen Kerımbekov jelıdegı paraqşasynda jazyp, foto jariialady, dep habarlaidy “Adyrna” ūlttyq portaly.
Kerımbekov elımızde maldy et kombinattaryna ötkızu jüiesı jolǧa qoiylmaǧanyna qapalandy.
«Nege bızde köp elge qaraǧanda et baǧasy solarmen bırdei, köbıne tıptı qymbat? Sebebı osy jyldar boiy maldy et kombinattaryna ötkızu jūmysyn rettei almadyq. Baǧdarlamalar, subsidiialar – mūnyŋ bärı bos söz. Myna fotolar keşe tüsırılgen. Astana qasaphanasynyŋ maŋynda terı, ışek-qaryn men ūiyǧan qan jairap jatyr. Al onyŋ iısı qandai bolatynyn elestetıp körıŋızder!», - dep jazdy Kerımbekov jelıdegı paraqşasynda.
Osy postan keiın Auyl şaruaşylyǧy ministrlıgı Veterinarlyq baqylau jäne qadaǧalau
komitetınıŋ Astana qalasy aumaqtyq inspeksiiasy poliseilermen bırge körsetılgen mekenjaiǧa barǧan.
«Tekserıs barysynda Alaş şossesı, 313 köşesınde, «Agro Önım Astana» JŞS mal soiu punktıne ırgeles aumaqta maldyŋ ışek-qarny tabyldy. Mal soiatyn punkt qūrylys jūmystaryna bailanysty 2023 jyly qyzmetın toqtatqan. Alaida Qūrban ait kezınde uaqytşa mal soiylǧan», - delıngen habarlamada.
Osy faktıge bailanysty «Agro Önım Astana» JŞS mal soiu punktınıŋ iesı J.Jailauǧa äkımşılık hattama toltyrylyp, 30 AEK, iaǧni, 110 760 teŋge aiyppūl salyndy. Aumaq tazartyldy.
Sondai-aq Alaş şossesı köşesınen qūrylys qoqysy men maldyŋ ışek-qarny şaşylǧan taǧy bır jer uchaskesı tabylǧan. Jerdı jalǧa alǧan A.S.Mädenovke äkımşılık hattama toltyryldy. Jer uchaskesı tazartyldy.
