"Soltüstık Qazaqstan oblysy äkımdıgınıŋ densaulyq saqtau basqarmasyna" qarasty Şal aqyn audandyq auruhanasy 3 500 130 teŋgege 170 tekşe metr qaiyŋ aǧaşyn satyp aluǧa tender jariialady, dep habarlaidy “Adyrna” ūlttyq portaly satypalu.gov.kz saityna sılteme jasap.
Memlekettık satyp aluǧa ötınımderdı qabyldau 17 şılde künı bastalǧan. Jeŋımpaz kompaniia 24 şılde künı anyqtalady. Tehnikalyq sipattamaǧa qarap, audandyq auruhanaǧa qaiyŋ aǧaştarynyŋ ne üşın qajet ekenın tüsıne almadyq. Tüsıngenımız, 170 tekşe metr qaiyŋ aǧaşy Şal aqyn audanyna qaraityn auyldyq okurgterdıŋ emhanalaryna bölınıp berıledı eken.
Tehnikalyq sipattamanyŋ qazaqşa nūsqasyn tüsınu mümkın emes. Qaraŋyz: "Aǧaş qaiyŋ, churkovannye, Ūzyndyǧy 30-40 sm, jetkızu. aǧaşta syrtqy jäne ışkı şıruge jol berılmeidı. Otyn GOST keluı kerek 3243-88 qabyldau kezındegı ölşeu koeffisientı 0,6. Tüiınderdıŋ ūzyndyǧy 3 sm-den aspauy kerek. otynnyŋ ylǧaldylyǧy 25% -dan aspaidy. Barlyq şyǧyndar tauar baǧasyna engızılgen. Jetkızuşı jetkızudıŋ bastalu jäne aiaqtalu merzımımen otyn äkelu kestesın ūsynuǧa mındettı. Keste boiynşa merzım aiaqtalǧanǧa deiın otyn jetkızu otyn jetkızu. Tauarlardy Ölşeu jäne tieu jäne jöneltu Tapsyrys beruşınıŋ qatysuymen jüzege asyrylady. Tauardyŋ baǧasyna jetkızu. Tauardy jetkızer aldynda önım beruşı Tapsyrys beruşıge kemınde 24 saǧat habarlauǧa mındettı. Tauardy jetkızu tapsyrys beruşı ökılınıŋ qatysuymen jürgızıledı".
Bızdı "Şal aqyn audandyq auruhanasynda tehnikalyq sipattamany taza memlekettık tılde tüsınıktı etıp jazatyn bır de bır maman joq pa?" degen saual mazalaidy. Mäselen, alǧaşqy söilemdı "Qaiyŋ aǧaşy şölkelep kesılgen (ūzyndyǧy 30-40 sm), qabyǧy da, dını de şırımegen boluy, otyn 3243-88 GOST standartqa sai keluı kerek" dep tüzetsek, oqyluǧa da, tüsınuge de oŋai bolar edı.
Audandyq auruhananyŋ memlekettık tılge būlai nemqūraily qarauynyŋ sebebı nede? Būl sūraqty tiıstı mekemege joldadyq. Jauabyn aldaǧy uaqytta jariialaityn bolamyz!
Abai Asyl
“Adyrna” ūlttyq portaly
Ūqsas jaŋalyqtar
