Almaty oblysynda «Jasyl el» jastar eŋbek jasaǧynyŋ XX mausymy aşyldy

1875
Adyrna.kz Telegram
https://adyrna.kz/content/uploads/2024/07/ea7fd84b-51e9-4ff0-806a-63e8623a64f0.jpeg

Almaty oblysynda «Jasyl el» jastar eŋbek jasaǧynyŋ XX mausymy aşyldy, dep habarlaidy “Adyrna” ūlttyq portaly.

Elımız boiynşa «Jasyl el» baǧdarlamasy 2005 jyldan berı jüzege asyp keledı. Joba jasöspırımder men jastar arasynda qorşaǧan ortany qorǧai otyryp, eŋbekke aralastyru arqyly tabiǧatty kütıp baptauǧa baulidy.

Aǧymdaǧy jyly oblys boiynşa «Jasyl el» eŋbek jasaǧyna 14 pen 35 jas aralyǧyndaǧy 1000-nan asa jas sarbaz tartylyp, mausymdyq jūmyspen qamtylady. Atalmyş joba äleumettık osal, köpbalaly otbasylardyŋ balalaryn, NEET sanatyndaǧy jastardy qoldauǧa baǧyttalǧan.

Aldaǧy ekı ai kölemınde jas sarbazdar öŋırdı abattandyryp, öz ölkesın kögaldandyryp qana qoimai, tiıstı eŋbekaqysyn alyp, arnaiy kiımdermen

qamtamasyz etıledı. Osylaişa oblys jastary «Taza Qazaqstan» jalpyūlttyq eko-nauqanynyŋ aiasyndaǧy jūmysty jalǧastyryp oblystyŋ ekologiiasyn jaqsartuǧa üles qospaq.

Şara barysynda oblys äkımınıŋ orynbasary Almas Batanov «Jasyl el» baǧdarlamasy jastar üşın öŋırdegı eŋ tabysty jäne auqymdy äleumettık jobalardyŋ bırı ekenıne toqtalyp, dästürlı eŋbek mausymynyŋ aşyluymen oblys äkımınıŋ atynan qūttyqtau tılegın jetkızıp, aldaǧy jūmystaryna tabys tıledı.

Saltanatty aşylu räsımınen keiın, «Jasyl el» sarbazdary jūmystaryna bırden bılek sybana kırısıp Qapşaǧai su qoimasynyŋ jaǧalauynda tazalyq jūmystaryn jürgızıp, demaluşylar arasynda ekologiialyq mädeniettı qalyptastyru, qorşaǧan ortany lastamau boiynşa aqparattyq tüsındırme aksiiasyn ötkızdı.
Pıkırler