Almaty oblysy elımızdegı investisiialyq tartymdy öŋırlerdıŋ bırıne ainalyp keledı. Jaqyn uaqytta mūnda PepsiCo, Lays, Mars, Marriott jäne Hilton siiaqty älemdık jetekşı kompaniialardyŋ bırqatar ırı jobasy ıske qosylady. Būl turaly oblys äkımı Marat Sūltanǧaziev Ortalyq kommunikasiialar qyzmetınde ötken baspasöz mäslihatynda mälımdedı.
Äkımnıŋ aituynşa, PepsiCo kompaniiasy Lays chipsterın şyǧaru üşın Narynqolda ösırılgen kartopty paidalanatyn bolady, al Mars öŋırde jaŋa öndırıstık jelı aşu mümkındıgın qarastyruda. Sonymen qatar halyqaralyq qonaqüi industriiasynyŋ alyptary – Marriott jäne Hilton brendterı Qonaev pen Alatau qalalarynda jaŋa qonaqüiler saludy josparlap otyr. Būl qadam öŋırdıŋ turizm jäne biznes-turizm naryǧyna aitarlyqtai serpın bermek.
Almaty oblysy turizm men infraqūrylymdy damytu baǧytynda da qarqyndy jūmys jürgızude. ASP-Arena sport-turizm keşenı, «Oi-Qaragai» kurortynyŋ keŋeiuı, jaǧajailar men demalys aimaqtaryn abattandyru — osynyŋ aiqyn dälelı.
Öŋırde qazırdıŋ özınde bırneşe ırı investisiialyq jobalar jüzege asyrylyp jatyr. Olardyŋ qatarynda: qūny 70 mlrd teŋge bolatyn Focus Logistics logistikalyq parkı, beton önımderın şyǧaratyn «Altyn taǧa» zauyty, zamanaui LC Waikiki köterme-taratu ortalyǧy, eksportqa baǧyttalǧan Shin-Line fabrikasy, astyq pen maily daqyldardy tereŋ öŋdeitın «Qapşaǧai Bidai Önımderı» agrokompleksı, Kegen audanyndaǧy «KegenMiasProm» et kombinaty bar.
Jyl soŋyna deiın taǧy bırneşe A-sanatyndaǧy obektıler ıske qosylady. Olar – MP Solution, Kusto Logistics, Euraziialyq logistikalyq park, Imagine Apple Logistics ortalyqtary. Būl jobalar jaŋa jūmys oryndaryn aşyp, öŋırdıŋ industrialdyq jäne logistikalyq hab retındegı äleuetın nyǧaitady. Sonymen bırge, Almaty oblysynda şaǧyn jäne orta biznes te qarqyndy damuda: jūmys ısteitın subektıler sany 156 myŋnan asty, al olardyŋ ekonomikalyq ülesı 46%-ǧa jettı.
