Ukraina prezidentı Vladimir Zelenskii Donald Trampty AQŞ prezidenttıgıne kandidat retınde ūsynyluymen qūttyqtap, sättılık tıledı, - dep habarlaidy “Adyrna” ūlttyq portaly Deutsche Welle-ge sılteme jasap.
«Men Donald Tramppen söilestım jäne ony Respublikalyq partiiadan prezident sailauyna ūsynylǧanymen qūttyqtadym. Sonymen qosa Pensilvaniiadaǧy jan türşıgerlık qastandyqty aiyptadym», - dep jazdy Zelenskii AQŞ-tyŋ būrynǧy prezidentımen telefon arqyly söileskenın 20 şılde, senbıge qaraǧan tünı X äleumettık jelısınde (būrynǧy Twitter) mälımdep.
Onyŋ sözınşe, Tramppen äŋgımede ol "Ukrainanyŋ bostandyǧy men täuelsızdıgın AQŞ-tyŋ qos palatasy men qos partiiasynyŋ qoldauy maŋyzdy" ekenın atap ötken. "Älemdı ädılettı ärı berık etetın" qadamdardy ekı saiasatker jeke kezdesu kezınde talqylauǧa kelısken. Ukraina basşysy būl tūsta Trampty "prezident" dep ataidy.
Tramp ta Zelenskiimen "öte jaqsy" äŋgımeleskenın aityp, "AQŞ-tyŋ prezidentı bolǧan jaǧdaida soǧysty toqtatyp, älemge beibıtşılık äkeluge" uäde berdı. Ol būl turaly Truth Social jelısınde jariialaǧan.
Sonymen bırge Zelenskii Tramppen jäne onyŋ komandasymen olardyŋ ūsynystaryn tyŋdau üşın kezdesuge «daiyn» ekenın aitty.
«Bız qaraşa aiynda AQŞ-tyŋ küştı qoldauyna ie bolamyz ba, älde bız tolyǧymen jalǧyz qalamyz ba, sony tüsıngımız keledı», - dep qosty ol.
Qosa keteiık, AQŞ-ta prezident sailauy 2024 jyly 5 qaraşada ötedı.
Ūqsas jaŋalyqtar
