20 jyldan astam uaqyt boiy Qazaqstanmetallurgterı käsıbi merekelerın atap ötedı. Bıraq, biyl alǧaş ret otandyq önerkäsıptıŋ ırı jäne jetekşı salalarynyŋ bırı retındegı metallurgiia önerkäsıbınıŋ ökılderıne memlekettık nagradalar tabystaldy. Bolat mınezdı mamandyq ielerıne memleket tarapynan däl osyndai erekşe nazardyŋ boluy – El Prezidentı Qasym-Jomart Toqaevtyŋ «Eŋbek adamy – el bailyǧy» degen sözınıŋ aiqyn körınısı.
Eŋbek adamy turaly söz qozǧaǧanda, oiǧa QARMET metallurgiia kombinatynyŋ ardagerı Aleksandr Berg keledı. Eŋbek jolyn 1956 jyly Qazaq metallurgiia zauytynyŋ elektrosehynda elektroslesar bolyp bastaǧan ol, metallurg mamandyǧynyŋ barlyq satylarynan öttı. Al, zeinetke şyǧar aldynda sūryptau-ilemdeu öndırısınıŋ öndırıstık bölımın basqardy. Kombinattaǧy jas mamandarǧa ärı aqylşy, ärı ūstaz bola bılgen ardager beinetı men zeinetı qatar jüretın metallurgiia salasynyŋ talai üzdık mamanyn da tärbielep şyǧardy.
Äke ızın jalǧaǧan ūldary Aleksei men Andrei de joǧary tehnikalyq oqu ornyn «Qara metaldar metallurgiiasy» mamandyǧy boiynşa bıtırdı. Jas mamandar eş oilanbastan instituttan keiın bırınşı marten sehyna jūmysqa kelıp, kombinatta eŋbek joldaryn bastady.
Qazır Aleksei Ystyq myryştau jäne aliumindeu sehynyŋ bastyǧy bolsa, Andrei Bolat departamentınıŋ öndırıs jönındegı direktory. Metallurgter äuletınıŋ jalpy eŋbek ötılı 100 jyldan asatynyn erekşe atau kerek.
Sondyqtan, memlekettık nagradaǧa laiyq dep tanylǧan «Qarmet» aksionerlık qoǧamy, «Kazakhmys Smelting», «Sary Qazyna», «Kounrad» mys kompaniiasy» jauapkerşılıgı şekteulı serıktesterınıŋ 49 eŋbekkerı qatarynda Aleksandr Bergtıŋ de boluy – zaŋdy. Būl – küş-jıgermen qatar, mınezdıŋ qairattylyǧyn da qajet etetın metallurg mamandyǧyna degen erekşe qūrmettıŋ belgısı. Būl – eŋbekpen tapqan nannyŋ tättı ekenın ūǧynǧan «eŋbek adamyna» degen laiqyty marapat ekenı sözsız.
Qiyn da abyroily mamandyqtyŋ abyroiyn asqaqtatqan eŋbekkerlerdıŋ segızı «Qūrmet» ordenımen, 14 adam III därejelı «Eŋbek Daŋqy» ordenımen marapattaldy. Al, jiyrma metallurg «Eren eŋbegı üşın» medalımen, jeteuı Qazaqstan Respublikasy Prezidentınıŋ Qūrmet gramotasymen marapattaldy.
Qaraǧandy oblysy «bolattan būlaq aǧyzǧan» metallurgterge kende emes. Äste, jalynda janylǧan jandardyŋ eŋbegın moiyndap, Memleket basşysynyŋ Jarlyǧymen otandyq metallurgiia salasyndaǧy jemıstı eŋbegı, eldıŋ önerkäsıptık jäne infraqūrylymdyq damuyna qosqan ülesı üşın berılgen memlekettık nagradalar sol jandardyŋ eren eŋbegın moiyndau bolmaq.
– Bızdıŋ aimaq Qazaqstannyŋ tau-ken metallurgiialyq astanasy bolyp sanalady. Būl sala qyzmetkerlerı men ardagerlerınıŋ eŋbegı zor, – dedı Qaraǧandy oblysynyŋ äkımı Ermaǧanbet Bölekpaev Temırtauda Memleket basşysynyŋ atynan nagradalardy tabystau sätınde.
«Qūrmet» ordenınıŋ iegerı Vladimir Filippov kombinatta jarty ǧasyrǧa juyq eŋbek etıp keledı. Eŋbek jolyn qarapaiym jūmysşydan bastaǧan ol qazır josparlau jäne jedel basqaru jönındegı direktor.
– Mektepten keiın äkem menı kombinatqa alyp keldı. Al, üş jyl äskeri boryşymdy ötegennen keiın kombinatqa qaita oraldym. Äuelde, üzdıksız öŋdeu qondyrǧylaryn basqaru postynyŋ operatory retınde qabyldandym. Oqudan da qol üzbedım. Jūmys jasai jürıp, universitettıŋ keşkı bölımınde oqydym, – deidı Vladimir Filippov.
Ömırın metallurgiia salasymen bailanystyryp, qiyndyqtan qaşpaǧan, bolattai şyŋdalǧan eŋbek adamdaryna qarap, Ermaǧanbet Qabdulaūlynyŋ «Temırtaudaǧy är otbasy, är tūrǧyn Qazaqstan Magnitkasynyŋ damuyna öz ülesın qosyp keledı» degen sözınıŋ ras ekenıne közıŋ jetkendei bolady.
Qalanyŋ «Temırtau» ataluynyŋ özı däl osy jerde Qazaqstannyŋ qara metallurgiiasynyŋ paida bolǧany jaily tarihi faktını rastaidy emes pe?!
Resmi mälımetter metallurgiia öndırısınde 100myŋǧa juyq adam eŋbek etetının körsetedı. Osyndaibolat mınezdı adamdardyŋ arqasynda metallurgiiaelımızdıŋ ırı ärı jetekşı salalarynyŋ bırı.
Odan bölek, Qazaqstan tau-ken önerkäsıbısalasyndaǧy jetekşı 15 eldıŋ qataryna kıredı.Bügınde elımızde tüstı metallurgiia da örkendep, qanatyn keŋge jaiyp keledı. Būl halyqaralyqnaryqqa mys, aliuminii, myryş, qorǧasyn siiaqtytürlı metaldardy eksporttauǧa mümkındık berıp otyr.
