Qazaqstandyq oquşylar matematikadan halyqaralyq «Copernicus» olimpiadasy na qatysyp, jüldelı oryndar ielendı, dep habarlaidy «Adyrna» tılşısı.
Bılım bäigesı 14-18 şılde künderı Niu-Iork qalasynda öttı.
Olimpiadada älemnıŋ 24 elınen jinalǧan jas matematikter baq synady. Qazaqstan qūrama komandasynyŋ atynan Jambyl oblysy, Daryndy er balalarǧa arnalǧan mamandandyrylǧan «Bılım-İnnovasiia» lisei-internatynyŋ 7-synyp oquşylary Mirdadaev Miras, Tölebek Älinūr, Taraz qalasy, Q.Tūrysov atyndaǧy №53 mektep-gimnaziiasynyŋ 4-synyp oquşysy Qalabai Abylai jäne Qordai audany, D.Qonaev atyndaǧy orta mektebınıŋ oquşysy Vundunlar Ämırhan qatysty.
Halyqaralyq olimpiada nätijesınde oquşylar 2 kümıs, 2 qola medaldy ielenıp, jeŋımpaz atandy.
