Tennisşı Elena Rybakina qazaqstandyq janküierlerge video ündeu joldady, - dep habarlaidy “Adyrna” ūlttyq portaly.
Jazǧy oiyndar bırınşılıgı bastalar aldynda Olimpiadanyŋ resmi saitynda 25 jastaǧy qazaqstandyq tennisşınıŋ jeke jäne aralas jūptyq jarystardan şettetılgenı turaly aqparat paida bolǧan edı.
«Qūrmettı qazaqstandyq janküierler!
Men komandamen bırge daiyndaldym, ökınışke qarai, jarys bastalar aldynda auyryp qaldym. Menıŋ qyzuym köterılıp, tynys aluym qiyndap ketken soŋ, därıgerler kortqa şyǧuyma tyiym saldy. Oryndalmaǧan ümıt pen söngen senım üşın barşa qazaqstandyq janküierlerden keşırım sūraimyn. Men öte qatty qynjyldym, öitkenı men öz komandammen bırge ūzaq daiyndalǧan edım jäne medal äkelıp, jeŋıske jetkım keldı. Ötken joly Tokioda men jeŋıske jaqyn boldym jäne būl, ärine menıŋ ülken maqsatym boldy. Jaqynda kortqa şyǧa alamyn dep ümıttenemın. Men barlyq otandastaryma alǧys aitqym keledı, öitkenı men älemnıŋ är tükpırınde oinaǧan saiyn men ärqaşan ülken qoldauǧa ie bolamyn jäne stadiondarda el tuyn körgen saiyn quanamyn. Sızderge köp raqmet, men jaqyn arada kortqa oralamyn dep ümıttenemın», - dedı Qazaqstannyŋ bırınşı raketkasy.
Qosa keteiık, Parijde ötıp jatqan Olimpiada oiyndarynda Qazaqstannan tennis turnirıne tek şeteldık oiynşylar qatysqanyn aita keteiık. Elena jarys bastalar aldynda qatyspaitynyn mälımdegen edı. Qoǧam Rybakinanyŋ būl ısın synǧa alyp, jelını bıraz şulatqan edı.
Ūqsas jaŋalyqtar
